پرەزيدەنت اكىمشىلىگى باسشىسىنىڭ ورىنباسارى دوساەۆ ەربولات اسقار ۇلى «سامۇرىق-قازىنا» اق ديرەكتورلار كەڭەسىنىڭ مۇشەسى بولىپ سايلاندى. بۇل تۋرالى قوردىڭ ءباسپاسوز قىزمەتى حابارلادى, دەپ جازادى Egemen.kz.
ول بۇل لاۋازىمعا 20 جەلتوقسان كۇنى تاعايىندالعان.
قازىر «سامۇرىق-قازىنا» ديرەكتورلار كەڭەسىنە پرەمەر-مينيستر ولجاس بەكتەنوۆ, بولات جامىشەۆ, لۋكا سۋتەرا, ۆونگ حەن فاين, نۇرلان جاقىپوۆ, موحاممەد دجاميل ال راماحي جانە ەربولات دوساەۆ كىرەدى. كەڭەستە سونداي‑اق SKAI (Samruk-Kazyna Artificial Intelligence) جاساندى ينتەللەكت بەينەسىندەگى ۆيرتۋالدى ديرەكتور بار.
ەربولات اسقاربەك ۇلى دوساەۆ 1970 جىلى 21 مامىردا الماتى قالاسىندا دۇنيەگە كەلگەن. 1987 جىلى الماتى قالاسىنىڭ و. جاۋتىكوۆ اتىنداعى رەسپۋبليكالىق فيزيكا-ماتەماتيكالىق مەكتەپ-ينتەرناتىن بىتىرگەن.
ءار جىلدارى الماتى ەنەرگەتيكالىق ينستيتۋتىن, باۋمان اتىنداعى ماسكەۋ مەملەكەتتىك تەحنيكالىق ۋنيۆەرسيتەتىن تامامداعان.
ەربولات دوساەۆ قىركۇيەك ايىندا پرەزيدەنت اكىمشىلىگى باسشىسىنىڭ ورىنباسارى بولىپ تاعايىندالعان ەدى.