پرەمەر-مينيستر ولجاس بەكتەنوۆتىڭ توراعالىعىمەن ۇكىمەت وتىرىسى ءوتتى. وندا «ىسكەر ايماق» باعدارلاماسى قارالدى. جوبا شاعىن بيزنەستى دامىتۋدى كوزدەيدى, دەپ جازادى Egemen.kz.
«ىسكەر ايماق» جوباسى – وڭىرلەردە, اسىرەسە مونو جانە شاعىن قالالاردا, سونداي-اق اۋىلدىق جەرلەردە شاعىن جانە ميكروبيزنەستى دامىتۋعا باعىتتالعان.
پرەمەر-ءمينيستردىڭ ايتۋىنشا, قۋاتتى ءارى باسەكەگە قابىلەتتى كاسىپكەرلىكتىڭ دامۋى – ورنىقتى ەكونوميكالىق ءوسۋدىڭ نەگىزگى فاكتورى.
«وزدەرىڭىزگە ءمالىم, جۋىردا مەملەكەت باسشىسى ىسكەرلىك بەلسەندىلىكتى ىنتالاندىرۋ ءۇشىن جەدەل تۇردە شاعىن بيزنەستى قولداۋدىڭ بىرىڭعاي باعدارلاماسىن قابىلداۋدى تاپسىردى.
ۇكىمەت شاعىن جانە ميكروبيزنەستى ناقتى قولداۋعا, وڭىرلەردىڭ ەرەكشەلىگىن ەسكەرە وتىرىپ, ءوندىرىستى دامىتۋعا باعىتتالعان كەشەندى قۇجاتتى ازىرلەدى», دەدى ولجاس بەكتەنوۆ.