الماتى قالاسىندا قىزىلشا دەرتى قايتا ءورشىدى. كۇن سايىن 20-25 جاعداي تىركەلىپ وتىرعاندىقتان بالالارعا ەكپە جۇمىسى جۇرگىزىلە باستادى. ەكپەنى تىركەلگەن ەمحانادا تەگىن الۋعا بولادى, دەپ جازادى Egemen.kz.
جوسپارلى ەكپەلەر 1 جانە 6 جاسار بالالارعا جۇرگىزىلەدى. قوسىمشا (نولدىك) دوزا (اتالعان دوزا – جوسپارلى ەكپەنى الماستىرمايدى, تەك ۋاقىتشا قورعانىس بەرەدى) 6 ايدان 11 ايعا دەيىنگى بالالارعا سالىنادى.
مامانداردىڭ تۇسىندىرۋىنشە, ەكپە جۇمىسى ءار بالاعا جەكە جاعدايىنا قاراي سالىنادى. ەكپە الار كەزدە بالانىڭ دەنساۋلىعى قالىپتى بولۋى ءتيىس. ويتكەنى قىزىلشا – وتە جۇقپالى ينفەكتسيالاردىڭ ءبىرى.
تارالۋىنىڭ نەگىزگى سەبەبى – ەكپە الۋدان باس تارتۋ, جوسپارلى ەكپەنى وتكىزىپ الۋ.
دارىگەرلەر اتا-انالاردى بالالارىنا ۋاقىتىلى ەكپە سالعىزۋعا شاقىرىپ جاتىر. سەبەبى بۇل – بالانىڭ دەنساۋلىعىن قورعاپ, ىندەتتىڭ تارالۋىن توقتاتۋعا سەپتەسەدى.