قوستانايدا كوپقاباتتى تۇرعىن ءۇيدىڭ التىنشى قاباتىندا ەلەكتر قالقانى ورتەنىپ, سالدارىنان ەلەكتر سىمدارى تولىقتاي جانىپ كەتتى. 40 وتباسى ەلەكتر جارىعىنسىز وتىر, دەپ حابارلايدى Egemen.kz.
توتەنشە جاعداي دەپارتامەنتىنىڭ مالىمەتىنشە, وقيعا 19 جەلتوقسان كۇنى بولعان.
ء«ورت سوندىرۋشىلەر وقيعا ورنىنا جەدەل جەتىپ, تۇرعىنداردى ەۆاكۋاتسيالادى. بالالار قاۋىپسىز جەرگە شىعارىلدى. زارداپ شەككەندەر جوق», دەپ حابارلادى تجد-نىڭ ءباسپاسوز قىزمەتى.
بۇگىن ءورت شىققان ۇيگە قالا اكىمى مارات جۇندىباەۆ ارنايى بارىپ, تۇرعىندارمەن كەزدەستى.
«ەڭ باستىسى – ادام شىعىنى جوق. توتەنشە جاعدايلار قىزمەتى شۇعىل ارەكەت ەتتى. قازىر 40 وتباسى جارىقسىز وتىر. جاڭا جىل قارساڭى, ماسەلەنى بۇلاي قالدىرۋعا بولمايدى. جەدەل شەشۋىمىز كەرەك. قازىر تۇرعىندار جاقىن تۋىستارىنىڭ ۇيىندە تۇرۋعا نەمەسە ۇيدەن تىس جەردە تاماقتانۋعا ءماجبۇر بولىپ وتىر. سوندىقتان سوزباققا سالماي, ەلەكتر جەلىسىن شۇعىل قالپىنا كەلتىرۋىمىز كەرەك», دەدى اكىم.
ءبىرىنشى كەزەكتە ءليفتىنىڭ جۇمىسىن قالپىنا كەلتىرىپ, پاتەرلەردى ەلەكتر ەنەرگياسىمەن قامتاماسىز ەتۋ مىندەتى تۇر. ول ءۇشىن ۋاقىتشا كابەل تارتۋ ماسەلەسى قاراستىرىلىپ جاتىر. ودان كەيىن ءورتتىڭ شىعۋ سەبەبى انىقتالىپ, قاقاعان ايازدا وسىنشاما پاتەردىڭ جارىقسىز قالۋىنا كىنالى ادامدار سوتقا تارتىلادى.
قالا اكىمىنىڭ ايتۋىنشا, توتەنشە جاعداي قىزمەتى 2016 جىلى جاڭا تۇرعىن ءۇيدى پايدالانۋعا بەرۋ جونىندەگى كوميسسيا تىزىمىنەن شىعارىلعان.
«2026 جىلى ءورت ءسوندىرۋ قىزمەتىن بۇل تىزىمگە قايتا ەنگىزۋ جوسپارلانىپ وتىر. بۇل – دۇرىس شەشىم», دەدى مارات جۇندىباەۆ.