ماڭعىستاۋدا مۇقاعالي, ءشامشى, تولەگەن اتتى ۇشەم تۋىلدى

اقتاۋ. 23 اقپان. ماڭعىستاۋدا دۇنيەگە كەلگەن ۇشەمگە مۇقاعالي, تولەگەن جانە ءشامشى دەگەن ەسىمدەر بەرىلدى. بۇل تۋرالى egemen.kz ءتىلشىسى حابارلادى. ماڭعىستاۋ وبلىستىق پەريناتالدىق ورتالىعىندا ومىرگە كەلگەن ۇشەمنىڭ جالپى سالماعى 5 كگ. قۇراعان. ءبىر جارىم اي دارىگەرلەردىڭ باقىلاۋىندا بولعان ۇلدار مەن اناسىنىڭ قازىرگى جاعدايى جاقسى, سوندىقتان بوسانۋ ۇيىنەن شىعارىلىپ, ءوز ۇيلەرىنە – بەينەۋ اۋدانىنا جول تارتتى. بۇعان دەيىن 13 جاستاعى ۇل ءوسىپ جاتقان شاڭىراققا قوسىلعان ءۇش ۇلعا تۋىستارى قازاقتىڭ بەلگىلى تۇلعالارى مۇقاعالي جانە تولەگەن اقىنداردىڭ, سونداي-اق ءشامشى سازگەردىڭ ەسىمدەرىن ەنشىلەتتى. – سابيلەر كەسەرى تىلىگى ارقىلى الىندى. قازىر سابيلەردىڭ دە, 40 جاستاعى اناسىنىڭ دا جاعدايى جاقسى, – دەيدى ماڭعىستاۋ وبلىستىق پەريناتالدىق ورتالىعىنىڭ ديرەكتورى جامال جامانباەۆا. گۇلايىم شىنتەمىرقىزى. دەرەك, سۋرەت: egemen.kz.