شىمكەنت قالاسىندا تانىمال «MacCoffee» 3/1 ءونىمىن انتيسانيتاريالىق جاعدايدا قولدان جاساپ كەلگەن جاسىرىن تسەح انىقتالدى. ادىلەت ورگاندارى مەن پوليتسيا دەپارتامەنتى بىرلەسىپ جۇرگىزگەن جەدەل تەكسەرىس ناتيجەسىندە زاڭسىز ءوندىرىس توقتاتىلدى, دەپ حابارلايدى Egemen.kz.
«تەكسەرۋ ناتيجەسىندە قۇقىق بۇزۋشىدان «MacCoffee» 3/1 تاۋار بەلگىسى بار 4000-نان استام وراما بىرلىگى, سونداي-اق ءوندىرىس جابدىقتارى (تەرموتىگىس, تارازى, دايىن 3/1 كوفەنىڭ قاپتاماسى) تاركىلەندى. قۇقىق يەلەنۋشىنىڭ رەسمي مالىمدەمەسىنە سايكەس, تاركىلەنگەن كونترافاكتىلىك ءونىم ساپا ستاندارتتارىنا سايكەس كەلمەيتىنى جانە تۇتىنۋشىلاردىڭ دەنساۋلىعى مەن ومىرىنە تىكەلەي قاۋىپ ءتوندىرۋى مۇمكىن ەكەنى حابارلاندى», دەلىنگەن حابارلامادا.
قازىرگى ۋاقىتتا كۇدىكتىگە قاتىستى ءىس قوزعالىپ, تەكسەرۋ ماتەريالدارى تۇپكىلىكتى شەشىم شىعارۋ ءۇشىن سوتقا جولدانعان.