الەۋمەتتىك جەلىلەردە كەڭىنەن تالقىلانىپ جاتقان ماسەلەنىڭ ءبىرى – وسى. ەل كولەمىندە پوليتسەي جول قوزعالىسى ەرەجەلەرىن ورەسكەل بۇزۋدىڭ 82 دەرەگىن انىقتاعان, دەپ جازادى Egemen.kz.
اتالعان تۇلعالار مەملەكەتتىك تۋدى پايدالانا وتىرىپ, جول قوزعالىسى ەرەجەلەرىن قاساقانا بۇزعان, اۆتوكولىكتەردىڭ قوزعالىسىنا كەدەرگى كەلتىرىپ, وزدەرىنىڭ جانە وزگە دە جول قوزعالىسىنا قاتىسۋشىلاردىڭ قاۋىپسىزدىگىنە قاتەر توندىرگەن. مۇنداي جاعدايلارعا پوليتسيا بەيجاي قاراي المايتىنى انىق.
قۇقىق بۇزۋشىلىقتار – ازاماتتاردان نەمەسە پوليتسيا قىزمەتكەرلەرى تاراپىنان بولسىن – ارقايسىسى زاڭعا سايكەس ءتيىستى قۇقىقتىق باعا الاتىنى بەلگىلى.
سونىمەن بىرگە, جۇرگىزىلگەن تەكسەرۋ ناتيجەسىندە الماتى, شىمكەنت قالالارىندا جەكەلەگەن جاعدايلاردا پوليتسيا قىزمەتكەرلەرى زاڭسىز, قۇقىققا قايشى ارەكەتتەرگە بارعانى انىقتالعان. ولارعا ناقتى شارالار قابىلداندى.
«8 پوليتسيا قىزمەتكەرى, ونىڭ ىشىندە باسشىلىق قۇرام وكىلدەرى تارتىپتىك جاۋاپكەرشىلىككە تارتىلدى (سوگىس, قاتاڭ سوگىس), تاعى 4 قىزمەتكەر اتقارىپ وتىرعان لاۋازىمدارىنان بوساتىلدى», دەلىنگەن حابارلامادا.
بۇعان دەيىن, اۆتوكولىكتەرگە مەملەكەتتىك تۋ ءىلۋ بويىنشا مادەنيەت جانە اقپارات مينيسترلىگىنىڭ مالىمدەمەسىن جازعانبىز.