17 جەلتوقسان كۇنى تاڭەرتەڭ الماتى – استانا باعىتىنداعى تۇراقتى جولاۋشىلار رەيسىن ورىنداۋ كەزىندە Air Astana اۋە كومپانياسىنا تيەسىلى اۋە كەمەسىندە اۆياتسيالىق وقيعا بولدى. كولىك مينيسترلىگىنىڭ ءباسپاسوز قىزمەتىنىڭ حابارلاۋىنشا, ۇشاق ەكيپاجى سالوندا ءتۇتىن پايدا بولۋىنا بايلانىستى MAY-DAY اپاتتىق سيگنالىن قوسقان, دەپ حابارلايدى Egemen.kz.
وقيعا استانا ۋاقىتىمەن ساعات 07:38-دە EI-KDG تىركەۋ ءنومىرى بار Airbus A321neo ۇشاعىنىڭ بورتىندا, KC-851 رەيسىن ورىنداۋ كەزىندە ورىن العان.
«قازاەروناۆيگاتسيا» رمك اۋە قوزعالىسىن جوسپارلاۋدىڭ باس ورتالىعىنىڭ مالىمەتىنشە, اۋە كەمەسىنىڭ كومانديرى جولاۋشىلار سالونىندا ءتۇتىن انىقتالعاننان كەيىن اپاتتىق سيگنال بەرۋگە شەشىم قابىلداعان.
«قونۋ ساعات 07:40-تا جۇزەگە اسىرىلدى. قاۋىپسىزدىكتى قامتاماسىز ەتۋ ماقساتىندا الماتى قالاسى اۋەجايىنىڭ ورتكە قارسى جانە اۆاريالىق-قۇتقارۋ قىزمەتى جۇمىلدىرىلدى», دەلىنگەن حابارلامادا.
الدىن الا اقپارات بويىنشا, وقيعا سالدارىنان جولاۋشىلار مەن ەكيپاج مۇشەلەرى اراسىندا زارداپ شەككەندەر جوق.
قازىرگى ۋاقىتتا كولىكتەگى وقيعالار مەن ينتسيدەنتتەردى تەرگەۋ دەپارتامەنتى تەكسەرۋ جۇرگىزىپ, اۆياتسيالىق وقيعانىڭ بارلىق ءمان-جايىن انىقتاپ جاتىر.