تانىمدىق شارا ۇلىتاۋ وبلىسىنىڭ ساتباەۆ قالاسىندا «قازاقمىس كورپوراتسياسى» جشس فيليالى ع.وماروۆ اتىنداعى شاحتاپروحودكالاۋ ترەسىندە ءوتتى. قاتىسۋشىلار جەلتوقسان ايىنىڭ ىزعارلى كۇندەرىندە قايمىقپاي الاڭعا شىققان قازاق جاستارىنىڭ قايسارلىعىن بۇگىنگى ۇرپاقتىڭ ساناسىنا ءسىڭىرۋدى ماقسات ەتتى, دەپ حابارلايدى Egemen.kz.
بايقاۋعا وسى كاسىپورىننىڭ جۇمىسشىلارى قاتىستى. ء ىس-شارانى «قازاقمىس كورپوراتسياسى» جشس ع.وماروۆ اتىنداعى شاحتاپروحودكالاۋ ترەسىنىڭ باسشىسى قايرات ۇزاق ۇلى ۇيىمداستىردى.
ۇجىم ىشىنەن جەتى كوماندا ىرىكتەلىپ شىقتى. ءار توپ وزدەرى دايىنداعان قويىلىمدا جەلتوقسان كوتەرىلىسى تاريحىنىڭ ماڭىزىن كورسەتۋگە تىرىستى. قويىلىمدا جاستار الدىڭعى تولقىن اعا-اپكەلەرىنىڭ ءورشىل رۋحىن شىنايى, نانىمدى وينادى. كوماندا مۇشەلەرى وتانعا, ەلىنە دەگەن جۇرەك جىلۋىن, سۇيىسپەنشىلىگىن كورسەتىپ, كورەرمەنىن ءسۇيسىندىردى.
بۇل – جەلتوقسان كوتەرىلىسىنىڭ مۇزدا جانعان الاۋىن جاڭعىرتىپ, ازاتتىقتىڭ اۋىر جولمەن كەلگەنىن كورسەتكەن تاريحي-تانىمدىق بايقاۋ بولدى.
قازىلار القاسىنىڭ قۇرامىنداعى س.قوجامقۇلوۆ اتىنداعى ۇلىتاۋ وبلىستىق قازاق مۋزىكالىق-دراما تەاترىنىڭ ءارتيسى كەنجەتاي ءجۇسىپ ۇلى, جەلتوقسان وقيعاسىنىڭ كۋاگەرى, پەداگوگ-ۇستاز گۇلجازيرا اۋباكىرقىزى جانە مۋزەي مامانى ايا جولبارىسقىزى ۇزدىك كوماندالاردى انىقتادى.
تالاپتانىپ, بار ونەرىن, ىقىلاسىن سالعان جۇمىسشى جاستاردىڭ ىشىنەن جۇيرىك شىققاندارعا جۇلدە تارتۋ ەتىلدى.
ءبىرىنشى ورىندى «تاۋەلسىزدىك جولى» توبى جەڭىپ الىپ, 200.000 تەڭگە اقشالاي سىيلىقتى ولجالادى. ەكىنشى ورىندى «الاۋ» توبى (150.000 تەنگە), ءۇشىنشى ورىندى «جەلتوقسان جەلى» توبى (100.000 تەڭگە) يەلەندى.
وزگە توپتارعا 75.000 تەڭگە كوتەرمەلەۋ سىيلىعى تارتۋ ەتىلدى.