اتىراۋ وبلىسىنداعى «اقجايىق» مەملەكەتتىك تابيعي رەزەرۆاتىندا قۇس پەن اڭنىڭ, وسىمدىكتىڭ, سۇتقورەكتىلەردىڭ ءتۇر-ءتۇرى بار. ال جاقىندا وسىنداعى درون كامەراسىنا سيرەك كەزدەسەتىن ءارى سىرت كوزگە كوپ كورىنبەيتىن جابايى مىسىقتىڭ ءبىرى ءتۇستى. بۇل – ءمالىن (قامىس مىسىعى).
رەزەرۆات ينسپەكتورى يليا بوفونوۆتىڭ دەرەگىنە قاراعاندا, بۇل ءمالىن وتە ساق, ءارى تەز جاسىرىنادى. ادامدى الىستان بايقايدى. قامىستىڭ اراسىنان انىق بايقالمايدى. ويتكەنى جىرتقىش قامىس تۇسىنەن اينىمايدى.
ء«مالىننىڭ جاسىرىناتىن مەكەنى – قامىس قالىڭ وسكەن اۋماق. بىراق ونىڭ رەزەرۆاتتاعى ناقتى سانىن بولجاۋ مۇمكىن ەمەس. ءتىپتى ساناي الماي ءجۇرمىز. ويتكەنى ادامنان بوي تاسالاپ اۋلاق جۇرەدى», دەيدى ي.بوفونوۆ.
ونىڭ ايتۋىنشا, كەيىنگى ەكى جىلدان بەرى رەزەرۆاتتا تەپلوۆيزورى بار درون قولدانىلادى. رەزەرۆاتتىڭ ءار تۇسىنا فوتوتۇزاقتار قويىلدى. درونمەن كوپ ۆيدەوماتەريال جينالىپتى. ەندى وعان تالداۋ جۇرگىزىلەدى.
ء«بىز وسىنداي سيرەك كەزدەسەتىن اڭ تۇرلەرىن باقىلاۋدى جالعاستىرا بەرەمىز. وسى ماقساتتا جۇرگىزىلەتىن مونيتورينگ باعدارلاماسىن كەڭەيتۋدى كوزدەپ وتىرمىز. مالىمەت تولىق جيناقتالعان سوڭ قامىس مىسىعىنىڭ مىنەز-قۇلقى مەن سانىن ناقتى انىقتاۋعا مۇمكىندىك تۋادى», دەيدى رەزەرۆات ينسپەكتورى.
اتىراۋ وبلىسى