ەلورداداعى شاعىن دۇكەننەن باستالعان قاراپايىم عانا يدەيا تاۋەلسىزدىك كۇنى قارساڭىندا بۇكىل ەلگە ۇلگى بولىپ, ۇلتتىق رەڭك بەرەتىن جاڭا چەللەندجگە ۇلاستى. كوك تۋعا دەگەن قۇرمەتتەن تۋعان بۇل ارەكەتكە ەل تۇرعىندارى عانا ەمەس, شەتەلدىك بەلسەندىلەر دە قولداۋ ءبىلدىرىپ جاتىر, دەپ جازادى Egemen.kz.
استانانىڭ شەت جاعىنداعى قاراپايىم «ازىرەت» دۇكەنىنە كىرگەن جۇرت سوڭعى كۇندەرى ەرەكشە اسەرمەن شىعىپ جاتىر. سەبەبى كاسىپكەر تەمىرحان سافاروۆ 16 جەلتوقسان – تاۋەلسىزدىك كۇنىنە وراي دۇكەندى تولىقتاي ۇلتتىق رەڭككە بوياپ, قابىرعالارعا كوك تۋلار مەن مىڭداعان شارلاردى ىلگەن.
كاسىپكەر بۇل جۇمىستى جەتى كۇن بويى ءوزى ۇيىمداستىرعان. ونىڭ ايتۋىنشا, 4 مىڭنان استام شار مەن شامامەن 1 مىڭ تۋدى ورنالاستىرۋ ءۇشىن شامامەن 2 ميلليون تەڭگە جۇمسالعان.
تەمىرحان سافاروۆتىڭ ايتۋىنشا, باستاما ەشكىمنىڭ تاپسىرماسى ەمەس, ءوزىنىڭ يدەياسى.
«بۇل – مەنىڭ تاۋەلسىزدىك كۇنىنە جاساعان جەكە قۇرمەتىم. ساۋداعا كىرىسكەنىمە بار بولعانى ءبىر جىل بولدى. العاشقى جىلىمىز وسىلاي ەستە قالسىن دەدىم. الداعى ۋاقىتتا كاسىبىمىز ۇلكەيسە, مۇنان دا اۋقىمدى دۇنيە جاسايمىن», دەيدى ول.
جەلىدە باستالعان قولداۋ تولقىنىدۇكەننىڭ سۋرەتتەرى الدىمەن Threads جەلىسىندە تارادى.
«جاڭا جىل مەرەكەسى جاقسى, بىراق ودان دا ماڭىزدى مەرەكە كەلە جاتقانىن ۇمىتپاۋىمىز كەرەك. ءبىزدىڭ ءۇيدىڭ جانىنداعى وسى دۇكەن يەسىنە ەرەكشە ريزامىن. ول بارىمىزگە ماڭىزدى كۇندى ەسكە سالدى», دەپ جازدى قولدانۋشىلاردىڭ ءبىرى.
دۇكەنگە كىرگەن جۇرت تا تاڭدانىسىن جاسىرا الماي, الەۋمەتتىك جەلىدە جىلى پىكىرلەر قالدىرىپ جاتىر.
پروديۋسەر جانە اكتەر نۇرلان قويانباەۆ بۇل باستامانى دەر كەزىندە نازارعا الىپ, ءوز جەلىسىندە بۇرىن جاريالاعان فلەشموبتى قايتا جاڭعىرتتى. ەستەرىڭىزگە سالا كەتسەك, ول بىرنەشە اي بۇرىن Threads جەلىسىندە: ء«ار سارسەنبى – قازاقستانعا ارنالعان پوست كۇنى بولسىن!» دەگەن باستاما كوتەرگەن ەدى.
قويانباەۆ ەلورداداعى بۇل دۇكەندى كورىسىمەن ارنايى بارىپ, كاسىپكەرگە ريزاشىلىعىن بىلدىرگەن. ونىڭ ۇندەۋىنەن كەيىن شەتەلدە جۇرگەن قازاق بەلسەندىلەرى دە, ءتۇرلى ەلدىڭ بلوگەرلەرى دە دۇكەن يەسىنىڭ ۇلتتىق مەرەكەنى دارىپتەگەنىن جوعارى باعالاپ, قولداۋ جازبالارىن قالدىردى.
چەللەندج بۇكىل ەلگە تارادىبۇگىندە كاسىپكەردىڭ يدەياسى بىرەر كۇن ىشىندە وزگە وڭىرلەرگە تاراپ, الماتى, شىمكەنت, قاراعاندى, اقتوبە قالالارىنداعى دۇكەندەر, شاعىن ماركەتتەر, ءتىپتى مەيرامحانالار دا تاۋەلسىزدىك كۇنىنە ارنالعان بەزەندىرۋلەر جاساي باستادى.