الەمدە العاش رەت اۋستراليا بيلىگى كامەلەتتىك جاسقا تولماعان بالالاردىڭ TikTok, YouTube, Instagram جانە Facebook سياقتى ءىرى الەۋمەتتىك جەلىلەرگە كىرۋىنە تىيىم سالدى, دەپ حابارلايدى Egemen.kz.
CNA اگەنتتىگىنىڭ مالىمەتىنشە, زاڭ اياسىندا ەڭ تانىمال ون ينتەرنەت-پلاتفورماعا تۇنگى ساعات 12-دەن باستاپ كامەلەتكە تولماعاندارعا الەۋمەتتىك جەلىلەرگە كىرۋگە قولجەتىمدىلىكتى بۇعاتتاۋ مىندەتتەلگەن. تالاپتى ورىنداماعان كومپانيالار 49,5 ميلليون اۋستراليالىق دوللارعا (شامامەن 33 ملن اقش دوللارى) دەيىن ايىپپۇل تولەۋى مۇمكىن.
زاڭ ءبىر جاعىنان تەحنولوگيالىق الپاۋىتتاردىڭ جانە ءسوز ەركىندىگىن جاقتاۋشىلاردىڭ قارسىلىعىن تۋدىرسا, ەكىنشى جاعىنان اتا-انالار مەن بالا قۇقىقتارىن قورعايتىن ۇيىمداردىڭ قولداۋىنا يە بولدى.
قازاقستاندا دا 16 جاسقا دەيىنگى بالالاردىڭ الەۋمەتتىك جەلىلەرگە قولجەتىمدىلىگىن رەتتەيتىن زاڭ جوباسى ازىرلەندى. بىراق ساراپشىلار بەلگىلى ءبىر جاس ساناتىنا عانا شەكتەۋ قويۋ قيىندىق تۋدىراتىنىن اتاپ ءوتتى.