ساتباەۆ قالاسىندا ساۋدا ورنىندا توتەنشە جاعداي تىركەلدى. دۇكەنگە كىرگەن ەر ادام قولىنا پىشاق الىپ, دۇنيە-م ۇلىكتى بۇلدىرگەن. پوليتسيا كۇدىكتىنى دەرەۋ قولعا تۇسىرگەن, دەپ حابارلايدى Egemen.kz.
جەلىدە تاراعان ۆيدەودان ونىڭ ماس كۇيدە تۇرعانى, ءبىر ساتتە پىشاقتى ءوز موينىنا تاقاعانى انىق كورىنەدى.
قاۋىپسىزدىك ماقساتىندا دۇكەن قىزمەتكەرلەرى قولدارىنداعى زاتتاردى پايدالانىپ, كۇدىكتىنى ەسىككە قاراي ىعىستىرعان. ەر ادام پىشاقتى تاستاعان سوڭ عانا دۇكەننەن شىعىپ, وقيعا ورنىنان قاشىپ كەتكەن.
جەرگىلىكتى تۇرعىنداردىڭ ايتۋىنشا, بۇل ازامات بۇعان دەيىن دە جاسوسپىرىمگە شابۋىل جاساعان. كەيبىر دەرەكتەر ونىڭ پسيحيكالىق اۋىتقۋى بولۋى مۇمكىن ەكەنىن كورسەتەدى.
«زارداپ شەككەندەر جوق. 102 پۋلتىنە قوڭىراۋ تۇسكەننەن كەيىن كۇدىكتى ءىزى سۋىماي ۇستالدى», دەپ حابارلادى ۇلىتاۋ وبلىستىق پوليتسيا دەپارتامەنتىنىڭ ءباسپاسوز قىزمەتى.