قايعىلى جاعداي 4 قاراشا كۇنى مۇنايلى اۋدانىنداعى قۇرىلىس نىسانىندا بولعان. جۇمىسشى كرانمەن قۇم تولى ناۋانى جوعارعى قاباتقا كوتەرىپ, ءتۇسىرىپ بولعان سوڭ قاۋىپسىزدىك ورنىنان الىستاپ كەتكەن ساتتە تەپە‑تەڭدىگىن جوعالتىپ, ليفت شاحتاسىنا قۇلاعان. وقيعا ورنىنا شامامەن 20-30 مينۋتتان سوڭ جەدەل جاردەم كەلگەنىمەن, 20 جاستاعى جىگىت العان جاراقاتتارىنان قايتىس بولدى, دەپ حابارلايدى Egemen.kz.
ماڭعىستاۋ وبلىسى بويىنشا مەملەكەتتىك ەڭبەك ينسپەكتسياسى دەپارتامەنتىنىڭ مالىمدەۋىنشە, جۇمىس بەرۋشى – جك «ساريەۆ س.ج» جانە تاپسىرىس بەرۋشى «AN-GroupM» جشس اپات تۋرالى ۋاقتىلى حابارلاماعان.
قازىر ماماندار اپات سەبەبىن, ەڭبەك قاۋىپسىزدىگى تالاپتارىنىڭ ساقتالۋىن جانە جاۋاپتى تۇلعالاردىڭ مۇمكىن بولاتىن قاتەلىكتەرىن انىقتاپ جاتىر.
بۇعان دەيىن استاناداعى تۇرعىن ءۇي كەشەنىنىڭ بىرىندە ليفت قۇلاپ, ءبىر ادام قازا تاۋىپ, بىرنەشە ادام زارداپ شەككەن ەدى.
سونىمەن قاتار سەناتور بەكبول ورىنباساروۆ ءوزىنىڭ دەپۋتاتتىق ساۋالىندا ءاربىر 10-شى ليفت تراگەدياعا دۋشار ەتۋى مۇمكىن ەكەنىن ەكەنىن ايتقان ەدى.