قايعىلى وقيعا قارقارالى-قاراعايلى تاسجولىندا بولدى. «Camry» جانە «Lada Largus» ماركالى كولىكتەر سوقتىعىسىپ, سالدارىنان 28 جاستاعى «Lada Largus» جۇرگىزۋشىسى وقيعا ورنىندا قازا تاپتى, دەپ حابارلايدى Egemen.kz.
قاراعاندى وبلىستىق پوليتسيا دەپارتامەنتىنىڭ ءباسپاسوز قىزمەتى تاراتقان اقپاراتقا سايكەس, «Camry» جۇرگىزۋشىسى كولىكتى باسقارا الماي, «Lada Largus» اۆتوكولىگىمەن سوقتىعىسقان.
«جول كولىك وقيعاسى سالدارىنان 28 جاستاعى «Lada Largus» جۇرگىزۋشىسى وقيعا ورنىندا كوز جۇمدى. ونىڭ 36 جاستاعى جولاۋشىسى مەن 41 جاستاعى «Camry» جۇرگىزۋشىسى مەديتسينالىق مەكەمەگە جەتكىزىلدى», دەلىنگەن حابارلامادا.
اتالعان فاكتى بويىنشا قىلمىستىق ءىس قوزعالدى. «Camry» جۇرگىزۋشىسى ۋاقىتشا ۇستاۋ يزولياتورىنا قاماۋعا الىندى. وقيعانىڭ بارلىق ءمان-جايى انىقتالىپ جاتىر.
Instagram-داعى vkaragande.kz پاراقشاسىنىڭ مالىمەتىنشە, «Lada Largus» كولىگى «قازپوشتانىڭ» قارقارالى بولىمشەسىنە تيەسىلى بولعان. قاتتى سوققىنىڭ سالدارىنان «Lada Largus» كولىگى ورتەنىپ كەتكەن.