قىزىلوردا قالاسى كبي شاعىن اۋدانى تۇرعىندارى «بۇلان» مال بازارىن باسقا اۋماققا كوشىرۋدى سۇرايدى. ولار مال بازارىنىڭ ۆەتەريناريالىق-سانيتاريالىق نورمالارعا ساي ەمەستىگىن جانە جەكە تۇرعىن ۇيلەرمەن جاپسارلاس ورنالاسقان بازارعا كەلەتىن ءتورت ت ۇلىك تيەگەن جۇك كولىكتەرىنىڭ تىنىشتىقتى ءجيى بۇزاتىنىن ايتادى, دەپ حابارلايدى Egemen.kz.
وسىعان دەيىن ولار مال بازارىن قالانىڭ شەتىنە كوشىرۋ تۋرالى بىرنەشە مارتە تالاپ قويعان. وسى جاعداي بويىنشا جۇمىسشى توپ ارنايى بارىپ, «بۇلان» مال بازارىنىڭ اكىمشىلىگىمەن كەزدەستى.
توپ وكىلدەرى بازار يەلەرىنە كاسىپ مادەنيەتىن قالىپتاستىرۋ قاجەتتىگىن ايتىپ, تالاپتارعا سايكەس جۇمىس ىستەۋدى ءتۇسىندىردى. ال تالاپتىڭ ساقتالۋى ءتيىستى ورىندار تاراپىنان ۇدايى قاداعالانىپ وتىرادى.