اقش-تا 80 جاستاعى ناتالي گرەبو الەمدەگى ەڭ قيىن كوپسايىستاردىڭ ءبىرى سانالاتىن «Ironman 140.6» جارىسىن تولىق اياقتاعان ەڭ ەگدە جاستاعى ايەل اتاندى.
ول 3,9 كم ءجۇزۋ, 180 كم ۆەلوجارىس جانە 42 كم مارافوننان تۇراتىن قاشىقتىقتى 16 ساعات 45 مينۋت 26 سەكۋندتا ەڭسەرىپ, بۇرىن-سوڭدى بولماعان رەكورد ورناتتى. ناتالي جاستايىنان سپورتقا كاسىبي تۇردە دەن قويماعانىمەن, 30 جاسىندا جۇگىرۋدى باستاپ, 40-50 جاسىندا جارتىلاي مارافوندارعا قاتىسقان. گاۆاي ارالدارىنداعى بيىلعى چەمپيونات – ونىڭ سپورتتىق جولىنداعى ەڭ بيىك بەلەس. وسىعان دەيىن 78 جاستان اسقاندار اراسىندا ەشكىم مۇنداي قاشىقتىقتى باعىندىرا الماعان ەدى.