جامبىل وبلىسىنىڭ اكىمى ەربول قاراشوكەەۆ ورتالىق كوممۋنيكاتسيالار قىزمەتىنىڭ بريفينگ الاڭىندا ايماقتاعى انا مەن بالا ولىمىنە قاتىستى ساۋالعا جاۋاپ بەردى, دەپ جازادى Egemen.kz.
جۋرناليست ءوڭىر باسشىسىنان سوڭعى اپتادا الەۋمەتتىك جەلىدە جاريالانعان پەرزەنتحاناداعى داۋعا قاتىستى ءىستىڭ ءمان-جايىن سۇرادى.
اكىمنىڭ ايتۋىنشا, دارىگەر پارا سۇرادى دەپ ارىز جازعان انا دا, پاتسيەنت جالا جاپتى دەگەن مامان دا ارىزدارىن قايتىپ العان. سوعان قاراماستان, دەنساۋلىق ساقتاۋ مەكەمەسىندە تەكسەرىس شارالارى ءجۇرىپ جاتىر.
«پەرزەنتحانادا قانداي جۇيەلى پروبلەمالار بار ەكەنىن انىقتاپ, شارا قابىلدايتىن بولامىز. قازىرگى تاڭدا تەكسەرىستىڭ ناتيجەسىن كۇتىپ وتىرمىز», دەپ جاۋاپ بەردى ەربول قاراشوكەەۆ.
ايتا كەتەيىك, 35 جاستاعى گ ۇلىم ورازباەۆا التىنشى بالاسىن تارازداعى پەريناتالدىق ورتالىققا تۇرار رىسقۇلوۆ اۋدانىنان كەلىپ بوسانعان.
تۋىستارىنىڭ ايتۋىنشا, ىشتەگى بالانىڭ ۇلكەندىگىنە بايلانىستى وعان كەسار تىلىگى جاسالعان.
«ۋدز 4 كيلوگرامم 400 گرامم كورسەتتى. وبلىستىق اۋرۋحانادا بالانىڭ ۇلكەن ەكەنىن بىلگەن سوڭ, ونى تارازعا كەسار تىلىگىنە جىبەردى. بىراق وندا ونى تابيعي جولمەن بوسانۋعا ءماجبۇر ەتتى», دەدى ايەلدىڭ ءسىڭلىسى ايگەرىم ورازباەۆا.
وتباسىنىڭ ايتۋىنشا, گ ۇلىم دارىگەرگە اقشا اۋدارعاننان كەيىن عانا ونى بوسانۋ بولمەسىنە اپارعان. بىراق ءبىر ساعاتتان كەيىن جاڭا تۋعان نارەستە شەتىنەپ كەتتى. ال, ايەلدىڭ جاتىرى جارىلىپ, جانساقتاۋ بولىمىنە ءتۇستى. كەيىن جاتىرىن الىپ تاستاۋعا تۋرا كەلگەن.
«وعان دەرەۋ وتا جاسالۋى كەرەك ەدى. ولار ونى بەيسەنبىدە اكەلدى. كەسار تىلىگىن كەيىنگە قالدىردى, سودان كەيىن دەمالىس كۇندەرىنە قالدى. ارتىنشا ول دارىگەرلەر كەسار تىلىگى ءۇشىن 20 000 تەڭگە تالاپ ەتىپ جاتقانىن جازدى», دەدى كۇيەۋى ەرمۇحان امرەەۆ.
كۇيەۋى قايعىلى جايتتان كەيىن دارىگەرلەر 20 000 تەڭگەنى قايتارىپ بەرگەنىن ايتادى.
«زاڭ بويىنشا, مۇنداي مەكەمەلەردەگى بارلىق قىزمەت تەگىن. اقى تولەۋدىڭ قاجەتى بولعان جوق. قازىر ىشكى تەرگەۋ باستالدى, دەرەكتەر جينالىپ, تاۋەلسىز ساراپشىلار تارتىلدى. ناتيجەلەر كەيىنىرەك جاريالانادى», دەپ مالىمدەدى جامبىل وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى ەرىك مۇساباەۆ.