مادەنيەت جانە اقپارات مينيسترلىگى جانە «ازاماتتىق باستامالاردى قولداۋ ورتالىعى» كەاق قولداۋىمەن ۇلتتىق ۆولونتەرلىك جەلىسى «Kazakhstan for Animals» جوباسىن جۇزەگە اسىردى. زووۆولونتەرلىك مادەنيەتتى دامىتۋدى كوزدەيتىن جوباعا ەلىمىزدىڭ 20 وڭىرىنەن 1612 ازامات قاتىستى, دەپ جازادى Egemen.kz.
باستاما اياسىندا جەتى مەكتەپتە ۆولونتەرلىك كلۋب اشىلىپ, سەرىكتەس ۇيىمدارمەن بىرگە 20-دان اسا ءىس-شارا ۇيىمداستىرىلعان.
سالاعا قىزىعۋشى ۆولونتەرلەردىڭ مۇمكىندىكتەرىن ارتتىرۋ ماقساتىندا بازالىق ءبىلىم بەرۋ باعدارلاماسى ازىرلەنگەن. باعدارلاما شەڭبەرىندە 886 ادام ءبىلىم العان. سونىمەن قاتار, باستاما اياسىندا جانۋارلارعا قامقورلىق تاقىرىبىندا بالالارعا ارنالعان كىتاپ, كوميكس پەن انيماتسيالىق تۋىندى اۆتورلارىنىڭ اراسىندا شىعارماشىلىق بايقاۋ ۇيىمداستىرىلعان.
مادەنيەت جانە اقپارات مينيسترلىگى باستامانى ەلىمىزدەگى زووۆولونتەرلىك قوزعالىستى ىلگەرىلەتۋگە جانە جانۋارلارعا قامقورلىق مادەنيەتىن نىعايتۋعا باعىتتالعان ماڭىزدى قادام دەپ باعالادى.