بۇگىن 10 جىلدان استام ۋاقىت «قايرات» جۇيەسىنىڭ اجىراماس بولىگى بولىپ, قازاق فۋتبولىنىڭ دامۋ باعىتىن ايقىنداۋعا اتسالىسقان «قايرات» فك اكادەمياسىنىڭ جەتەكشىسى كيريلل سەرگەەۆيچ كەكەر 46 جاسىندا كۇتپەگەن جاعدايدا ومىردەن ءوتتى, دەپ حابارلايدى Egemen.kz.
تانىمال باپكەر ءار جىلدارى كلۋب قۇرىلىمىندا ماڭىزدى لاۋازىم اتقارعان. 2022–2024 جىلدارى سارى-قارالاردىڭ نەگىزگى كومانداسىن باسقاردى. 2025 جىلى اكادەمياعا جەتەكشىلىك ەتىپ, سونىمەن بىرگە قازاقستان U-19 قۇراماسىمەن جۇمىس ىستەپ, جاڭا بۋىن فۋتبولشىلارىن قالىپتاستىرۋدى جالعاستىرعان.
«كيريلل سەرگەەۆيچ ءوز ىسىنە ادال, تالاپشىل ءارى ءادىل مامان ەدى. جاس ويىنشىلاردىڭ مۇمكىندىگىن اشىپ, ەڭ ماڭىزدى ساتتەردە قولداۋ كورسەتۋدى بىلەتىن ناعىز تالىمگەر بولاتىن. ونىڭ اكادەميانىڭ, نەگىزگى كوماندانىڭ, قازاقستان جاسوسپىرىمدەر قۇراماسىنىڭ دامۋىنا قوسقان ۇلەسى زور. كيريلل سەرگەەۆيچ كەكەردىڭ تۋىستارى مەن جاقىندارىنا شىن جۇرەكتەن كوڭىل ايتامىز», دەپ جازدى «قايرات» فك.