پاۆلودار وبلىسىندا 3 اپتادان استام ۋاقىت بۇرىن – 2025 جىلدىڭ 5 قاراشاسىنان باستاپ ءىز-ءتۇسسىز جوعالعان ەر ادامدى قۇتقارۋشىلار مەن پوليتسيا ۇزدىكسىز ىزدەپ جاتىر. جوعالعان ادام 1968 جىلى تۋعان, دەپ حابارلايدى Egemen.kz.
جوعالعان 57 جاستاعى ەر ادامدى ىزدەۋ جۇمىستارى ەڭبەك اۋىلىنىڭ دالالىق ايماعىندا ۇيىمداستىرىلعان. بۇل تۋرالى وبلىستىق توتەنشە جاعدايلار دەپارتامەنتى حابارلادى.
ىزدەۋ-قۇتقارۋ جۇمىستارىنا اۋقىمدى كۇشتەر جۇمىلدىرىلعان:
28 تجد قىزمەتكەرى جانە پوليتسيا; 8 تەحنيكا; ۇشقىشسىز ۇشۋ اپپاراتتارى; ەكى كينولوگيالىق ەسەپ.ىزدەۋ جۇمىستارى اۋماقتى تاراۋ ارقىلى توپتىق ادىسپەن جۇرگىزىلۋدە. قۇتقارۋشىلار ەڭ قيىن جانە شالعاي جەرلەردى تەكسەرۋ ءۇشىن زاماناۋي تەحنيكانى پايدالانىپ جاتىر:
ۇشقىشسىز ۇشۋ اپپاراتى: بۇل قۇرال اۋەدەن بارلاۋ جۇرگىزۋگە جانە جوعالعان ادامنىڭ ىقتيمال ىزدەرىن جەدەل انىقتاۋعا مۇمكىندىك بەرەدى.
كينولوگيالىق ەسەپتەر: قىزمەتتىك يتتەر ءىزدى تابۋ جانە الەۋەتتى قاۋىپتى, جاسىرىنعان ايماقتاردى تەكسەرۋمەن اينالىسۋدا.
ايتا كەتەيىك, ىزدەۋ-قۇتقارۋ جۇمىستارى اۋا رايىنا قاراماستان ءالى دە ۇزدىكسىز جالعاسۋدا.