ەلىمىزدەگى دەموگرافيالىق ءوسىمى ەڭ جوعارى ءوڭىر تۇركىستان وبلىسىندا 185 مىڭنان اسا كوپبالالى انا بار. ايەلدەردىڭ ءوڭىر ەكونوميكاسى مەن مەملەكەتتىك باسقارۋداعى ۇلەسى دە ايتارلىقتاي. قازىرگى تاڭدا, 212 مىڭنان استام كاسىپكەردىڭ 42 پايىزى ايەلدەر. مەملەكەتتىك قىزمەتتە ەڭبەك ەتىپ جۇرگەن 5 611 ماماننىڭ 1572-ءسى نازىكجاندىلار, ونىڭ ىشىندە 233-ءى باسشىلىق قىزمەتتەردى اتقارۋدا, دەپ حابارلايدى Egemen.kz.
بۇل دەرەكتەر تۇركىستاندا وتكەن «Tomiris» اقپاراتتىق-ءبىلىم بەرۋ سەمينار-ترەنينگىندە ايتىلدى. «وتباسى ىستەرى جانە گەندەرلىك ساياساتتى جۇزەگە اسىرۋ» جوباسىنىڭ اياسىندا, ايەلدەردىڭ كوشباسشىلىق الەۋەتىن دامىتۋ ارقىلى ولاردىڭ ساياسي, الەۋمەتتىك-ەكونوميكالىق ومىرگە بەلسەندى قاتىسۋىن ارتتىرۋ ماقساتىنداعى ءىس-شاراعا قر پرەزيدەنتى جانىنداعى ايەلدەر ىستەرى جانە وتباسىلىق دەموگرافيالىق ساياسات جونىندەگى كوميسسيا توراعاسىنىڭ ورىنباسارى لاززات سۇلەيمەن, تۇركىستان وبلىسى اكىمىنىڭ ورىنباسارى ەرتاي التاەۆ, «Amanat» پارياسىنىڭ وبلىستىق فيليالى اتقارۋشى حاتشىسىنىڭ ورىنباسارى, وبلىستىق ايەلدەر قاناتىنىڭ جەتەكشىسى قالىيما جانتورەەۆا, «تۇركىستان وبلىسىنىڭ ازاماتتىق اليانسى» زاڭدى تۇلعالاردىڭ قاۋىمداستىق نىسانىنداعى بىرلەستىگىنىڭ ءتورايىمى ينارا نامازباەۆا, سونداي-اق بيزنەس-قۇرىلىمداردىڭ وكىلدەرى, ءوڭىردىڭ 17 اۋدان, قالاسىنان ارنايى ساياسي مەنەدجمەنت مەكتەبىنە ىرىكتەلگەن 85 ىسكەر ايەل, ۇكىمەتتىك ەمەس ۇيىمداردىڭ وكىلدەرى قاتىستى.
سەمينار-ترەنينگتە «ساياساتتاعى ايەلدەر: وزگەرىستەرىستەردىڭ كوشباسشىلارى» تاقىرىبىندا پىكىر-ۇسىنىستار ورتاعا سالىنىپ, ماسەلەلەر تالقىلاندى. ترەنينگ سوڭىندا ارنايى سەرتيفيكاتتار تاپسىرىلدى.
تۇركىستان