وسكەلەڭ ۇرپاققا «زاڭ جانە ءتارتىپ» قاعيداتىن ۇعىندىرۋدى كوزدەگەن سۋرەت بايقاۋىن استانا قالاسىنىڭ پروكۋراتۋراسى مەن اكىمدىگى بىرلەسە ۇيىمداستىرعان. ەرەكشە بايقاۋدا ەلوردالىق 5-7 سىنىپ وقۋشىلارى باعىن سىناپ كوردى, دەپ جازادى Egemen.kz.
بايقاۋعا استانانىڭ يۋنەسكو-عا قاراستى بالالار كوركەمسۋرەت مەكتەبى-كلۋبىنىڭ ۇستازدارى مەن مەملەكەتتىك ورگان وكىلدەرى قازىلىق ەتتى.
ولار قاتىسۋشىلاردىڭ تۋىندىسىن كوركەمدىك دەڭگەيى مەن تاقىرىپتى اشۋ شەبەرلىگىنە بايلانىستى باعالادى.
ناتيجەسىندە 22 ۇزدىك جۇمىس انىقتالىپ, سۋرەت اۆتورلارىنا ديپلومدار مەن ەستەلىك سىيلىقتار تابىستالدى.
استانا قالاسىنىڭ پروكۋراتۋراسى مەن اكىمدىگى بايقاۋدا توپ جارعان جۇمىستاردى كوپشىلىك نازارىنا ۇسىنىپ, قوعامدىق ورىندارىندا كورمە ۇيىمداستىرۋدى جوسپارلاپ وتىر.