ۋاقىتشا قاشىقتان وقيدى

وبلىستىق ءبىلىم باسقارما­سى­نىڭ باسشىسى مارات ءابۋوۆتىڭ ايتۋىنشا, ماحامبەت اۋدانىنىڭ بەيبارىس اۋىلدىق وكرۋگىندە تىشقان كۇرت كوبەيگەن. وسىعان باي­لانىستى ەپيدەميالىق احۋال­دىڭ ناشارلاۋىنا جول بەرمەۋ, بالالاردىڭ دەنساۋلىعىن قور­عاۋ ءۇشىن الدىن الۋ شاراسى قا­بىل­دانىپ وتىر.

«بەيبارىس اۋىلدىق وكرۋگىندە 2 مەكتەپ پەن 2 بالاباقشا بار. وقۋشىلار ءدارىس الاتىن مەك­تەپ­تىڭ ءبىرى – ا.بايتۇرسىن ۇلى اتىن­داعى ءبىلىم ورداسى, ەكىنشىسى – تالدىكول ورتا مەكتەبى. ەپي­دە­ميالىق قاۋىپتىڭ الدىن الۋ ءۇشىن 19 قاراشادا اتالعان مەكتەپتەر ساباق ۋاقىتشا قاشىقتان وقىتۋ فورماتىنا اۋىستىرىلدى. دەزينفەكتسيالىق جۇمىستى تولىق ءارى ساپالى جۇرگىزۋگە «بالدىرعان» جانە «بالاقاي» بالاباقشاسىنىڭ قىزمەتى ۋاقىت­شا توقتاتىلدى», دەيدى مارات ءابۋوۆ.

ونىڭ دەرەگىنە قاراعاندا, بەيبارىس اۋىلىندا ورنالاسقان ا.بايتۇرسىن ۇلى اتىنداعى ورتا مەكتەپتە 573 وقۋشى ءدارىس الادى. ال تالدىكول ورتا مەكتەبىندە 261 وقۋشى وقيدى.

«قازىر ءبىلىم وردالارىندا وقۋ­شىلارعا ىستىق تاماق بەرىلەدى. ءبىز وقۋشىلار ىشەتىن تاماقتىڭ ساپالى بولعانىن, سانيتارلىق تالاپ­تىڭ ساقتالعانىن قالاي­مىز. سوندىقتان ارنايى ماماندان­دى­رىلعان قىزمەتتىڭ ماماندارى بەيبارىس اۋىلدىق وكرۋگىندەگى مەكتەپتەر مەن بالاباقشالاردا دەزينفەكتسيالاۋ, سانيتارلىق باقىلاۋ جۇمىسىن جۇرگىزۋدى قولعا الدى. مەكتەپتەر مەن بالا­باق­شالاردا قاۋىپ تولىق جويىل­عان­نان كەيىن وقۋ-تاربيە ۇدەرىسىن قا­لىپتى رەجيمگە اۋىستىرۋ كوز­دەلىپ وتىر. بۇل شامامەن ءبىر اپتاعا سوزىلۋى مۇمكىن», دەيدى م.ءابۋوۆ.

الايدا اتالعان وكرۋگتە تىش­قان­نىڭ كوبەيۋىنە نە سەبەپ بول­عانى ازىرگە بەلگىسىز. ماماندار مۇنىڭ سەبەبىن ءالى ناقتىلاعان جوق. ماحامبەت اۋدانىنىڭ اكىمى قايرات نۇرلىباەۆتىڭ ايتۋىن­شا, قازىر بەيبارىس اۋىلدىق وكرۋگىندەگى تالدىكول جانە بەي­بارىس اۋىلىندا ارنايى مەكە­مە­نىڭ قىزمەتكەرلەرى جەكە تۇرعىن ۇيلەردىڭ اۋماعىن ۋلاۋدى باستادى. شامامەن 100 ءۇيدىڭ اۋلاسىن ۋلاۋ كوزدەلگەن. ونىڭ اۋماعى – 150 مىڭ شارشى مەتر.

«قولدانىلاتىن ءتورتىنشى دەڭ­گەي­لى ۋدىڭ ادامدار مەن ءۇي جانۋا­ر­­لارىنا زيانى جوق. زيان­كەس­تەرمەن كۇ­رەس مەكەمەسىمەن كەلى­سىپ, 1000-نان استام ۇيگە ءدارى تارات­تىق. قوسىمشا ۋ­لا­عىش داندەر الىنىپ جاتىر. دەرا­تي­زاتسيا جۇمىسىنا ارنايى كوم­پانيامەن كەلىسىم شارت جاساق­­­تالىپ, تالدىكول اۋى­لىن­­داعى 47 ۇيدە ۋلاۋ جۇمىستارى جۇرگىزىلدى. دەرا­تيزا­تسيالاۋ تۇر­عىن­­داردىڭ كەلى­سىمىنە قاراي كەزەڭ-كەزەڭىمەن جالعا­سادى», دەيدى قايرات نۇرلىباەۆ.

اكىمنىڭ دەرەگىنە قاراعاندا, بىلتىرعى سۋ تاسقىنىنان كەيىن تالدىكول اۋىلىنىڭ ماڭىندا ءشوپ بيىك وسكەن. تىشقاندار ءشوپ اراسىنان ءىن قازىپ, كوبەيگەن بولۋى مۇمكىن. اتالعان اۋىل ماڭىنداعى ءشوپتى شابۋعا ارنايى تەحنيكا بولىنگەن.

اتىراۋ وبلىسى