فوتو: اشىق دەرەككوز
پروكۋراتۋرا وكىلىنىڭ ايتۋىنشا, اقبايان مۇقانعاليەۆا ادام ءولتىرۋ ءىسى بويىنشا كۇدىكتى رەتىندە تانىلمايدى جانە وعان قاتىستى قىلمىستىق قۋدالاۋ توقتاتىلعان.
«ونىڭ ادام ءولتىرۋ فاكتىسىنە قاتىسى بولماعاندىقتان, وزىنە قاتىستى قىلمىستىق قۋدالاۋ توقتاتىلدى. قىلمىس تۋرالى حابارلاماۋ فاكتىسى بويىنشا بولەك ءىس تىركەلدى. الايدا وعان ءالى قۇقىقتىق باعا بەرىلگەن جوق. اقبايان مۇقانعاليەۆا ءىس بويىنشا كۇدىكتى رەتىندە تانىلمايدى جانە وعان قاتىستى بۇلتارتپاۋ شاراسى قولدانىلماعان», دەدى جاندار بولاتبەك.
اتىراۋ وبلىسىنداعى وتباسىنىڭ ءولىمى: كۇدىكتى تۋىستارىن بىرنەشە اي بويى كەزەكپەن ولتىرگەن
سونداي-اق ونىڭ پسيحيكالىق جاعدايىنا بايلانىستى الماتىدا پسيحياتريالىق ساراپتاما جۇرگىزىلگەنى ايتىلدى. ساراپتاما قورىتىندىسى پروكۋراتۋراعا ءالى تۇسپەگەن. قاجەت بولعان جاعدايدا قوسىمشا ساراپتاما تاعايىندالۋى مۇمكىن.
قازىرگى ۋاقىتتا اقبايان مۇقانعاليەۆا اتىراۋداعى وبلىستىق پسيحياتريالىق ورتالىقتا جاتىر.
ال بۇل ءىس بويىنشا باستى كۇدىكتى سۇلتان سارسەماليەۆ كىناسىن مويىنداعان. پروكۋراتۋرانىڭ مالىمەتىنشە, پسيحولوگيالىق-پسيحياتريالىق ساراپتاما ناتيجەسىندە ول تولىق ەسى دۇرىس دەپ تانىلعان. وسىعان بايلانىستى وعان زاڭ اياسىندا تولىق كولەمدە جازا تاعايىندالۋى مۇمكىن. تەرگەۋ اياقتالىپ, ءىس سوتقا جولدانعان.
نۇربولات امانبەك
