ۇلىتاۋ وبلىسىندا «قازاقمىس» كورپوروتسياسىنىڭ نىساندارىنان جانارماي مەن كەن ۇرلادى دەگەن كۇدىككە ىلىنگەن قىلمىستىق توپتاردىڭ ارەكەتى توقتاتىلدى. بۇل تۋرالى ىشكى ىستەر مينيسترلىگى مالىمدەدى, دەپ حابارلايدى Egemen.kz.
پوليتسيانىڭ مالىمەتىنشە, بيىل كاسىپورىن اۋماعىندا ءىرى شىعىن كەلتىرگەن ءتورت ۇرلىق دەرەگى اشىلعان. سونىڭ ءبىرى – 7 مامىر كۇنى اشكەرەلەنگەن جانارماي ۇرلاۋ سحەماسى.
جەدەل ءىس-شارالار بارىسىندا جانار-جاعارمايدى ۇرلاپ, كەيىن ونى ساتۋمەن اينالىسقان كۇدىكتىلەر ۇستالدى. تەكسەرۋ كەزىندە ءبىر توننادان استام جانارماي, قوماقتى قارجى, كولىكتەر, قارۋ-جاراق پەن وق-دارىلەر جانە باسقا دا ايعاقتى زاتتار تاركىلەندى.
تەرگەۋ مالىمەتىنە سايكەس, كۇدىكتىلەر ارنايى تەحنيكالاردى جالعان تۇردە جانارماي قۇيعانداي كورسەتىپ, قۇجاتتاردى قولدان جاساعان. سونىمەن قاتار كەيبىر كۇزەت قىزمەتكەرلەرىنىڭ دە زاڭسىز ارەكەتكە كومەكتەسكەنى انىقتالعان.
جامبىل وبلىسىندا 39 جىلقىنى ۇرلاعان ەكى قىلمىستىق توپ ۇستالدى
ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس قازىرگى ۋاقىتتا قارجىلىق قۇجاتتارعا تالداۋ جۇرگىزىلىپ جاتقانىن ايتتى. الدىن الا ەسەپ بويىنشا كەلتىرىلگەن شىعىن كولەمى اسا ءىرى مولشەردە بولۋى مۇمكىن.
مينيسترلىك وكىلدەرىنىڭ ايتۋىنشا, وتكەن جىلدان بەرى «قازاقمىس» نىساندارىنداعى ۇرلىقتارعا قاتىسى بار بىرنەشە قىلمىستىق توپتىڭ جولى كەسىلگەن. قابىلدانعان شارالاردىڭ ناتيجەسىندە كەلتىرىلگەن شىعىننىڭ 94,5 پايىزى وتەلگەن.
اقمولا وبلىسىندا جاسوسپىرىمدەر سپورت نىساندارىن ءبۇلدىرىپ, جابدىقتاردى ۇرلاعان