الماتىدا قايىرىمدىلىق قورىنىڭ باسشىسى 15 جاستاعى ءجاسوسپىرىمدى بازار اۋماعىندا وتكىزىلگەن قايىرىمدىلىق اكتسياسىنا قاراجات جيناۋعا قاتىستىرعانى بەلگىلى بولدى, دەپ حابارلايدى Egemen.kz.
ناتيجەسىندە, ءجاسوسپىرىم اكىمشىلىك زاڭنامانى بۇزۋمەن بايلانىستى جاعدايعا تاپ بولىپ, قور جەتەكشىسىنە قاتىستى قر اقبتك-ءنىڭ 128-بابىنىڭ 1-بولىگى بويىنشا اكىمشىلىك ءىس قوزعالدى.
«سوت وتىرىسىندا قور ديرەكتورى ءوز كىناسىن مويىنداپ, ءىس ماتەريالدارىندا كورسەتىلگەن ءمان-جايلاردى راستادى. اكىمشىلىك قۇقىق بۇزۋشىلىق جيناقتالعان دالەلدەمەلەرمەن, سونداي-اق كامەلەتكە تولماعان ءجاسوسپىرىمنىڭ جانە ديرەكتوردىڭ سوزدەرىمەن راستالدى», دەلىنگەن جوعارعى سوتتىڭ حابارلاماسىندا.
ايتا كەتەيىك, اقبتك-ءنىڭ 128-بابىنىڭ 1-بولىگىنە سايكەس, مۇنداي قۇقىق بۇزۋشىلىق ءۇشىن جەكە تۇلعالارعا 50 اەك مولشەرىندە ايىپپۇل قاراستىرىلعان.
«الماتى قالاسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتى جاسالعان قۇقىق بۇزۋشىلىقتىڭ سيپاتىن, كىنالىنىڭ جەكە باسىن جانە جاۋاپتىلىقتى اۋىرلاتاتىن ءمان-جايلاردىڭ جوقتىعىن ەسكەرە وتىرىپ, 196 مىڭ تەڭگەدەن استام ايىپپۇل سالدى», دەلىنگەن حابارلامادا.