ۇكىمەتتەگى بريفينگ بارىسىندا كولىك ۆيتسە-ءمينيسترى ماقسات قالياكپاروۆ الداعى مەرەكە كۇندەرىنە وراي اۋە رەيستەرى مەن پويىزداردىڭ سانى ارتاتىنىن مالىمدەدى, دەپ حابارلايدى Egemen.kz.
ماقسات قالياكپاروۆتىڭ ايتۋىنشا, سىيىمدىلىعى جوعارى ۇلكەن ۇشاقتار دا, قوسىمشا رەيستەر دە نەگىزگى باعىتتار بويىنشا بەلگىلەنەدى. ولاردىڭ قاتارىندا الماتى, شىمكەنت جانە اقتاۋ بار. سونداي-اق, قوسىمشا ۆاگوندار تىركەلىپ, جاڭا پويىزدار جولعا شىعادى.
بۇل رەتتە ۆيتسە-مينيستر بيلەت باعاسىنىڭ قىمباتتامايتىنىن ايتتى.
«جولاۋشىلاردىڭ 50 پايىزدان استامى ءوز ساپارلارىن الدىن الا جوسپارلايدى, ياعني بيلەتتەردى ەرتەرەك ساتىپ الادى. وزدەرىڭىز بىلەسىزدەر, بيلەتتى ەرتەرەك السا, باعاسى دا ارزانىراق بولادى. سونىمەن قاتار, كەلەر جىلى بيلەت باعاسىن كوتەرۋ جوسپاردا جوق», دەدى ۆيتسە-مينيستر.