جەتىسۋ وبلىسىنىڭ شەكارالىق پانفيلوۆ اۋدانىندا الەۋمەتتىك سالا نىساندارىن نىعايتۋ جۇمىستارى بەلسەندى ءجۇرىپ جاتىر. سوڭعى ەكى جىلدا دەنساۋلىق ساقتاۋ سالاسىندا 18 جاڭا نىسان سالىنىپ, 3 وبەكتى جوندەلدى. اۋىلدىق جەرگە بارعان 17 دارىگەرگە جالپى 135 ملن تەڭگە كولەمىندە كوتەرمە جاردەماقى تولەنىپ, بۇل مەديتسينالىق كادر تاپشىلىعىن ازايتۋعا مۇمكىندىك بەردى, دەپ جازادى Egemen.kz.
شەجىن, نادەك, قىرىققۇدىق, ءالتىۇي, المالى, تۇرپان, اقجازىق سياقتى اۋىلداردا دارىگەرلىك امبۋلاتوريالار, ال اققۇدىق, ديحانقايرات, سارىتوبە, سادىر, سۇپتاي, قورعاس ەلدى مەكەندەرىندە فەلدشەرلىك پۋنكتتەر سالىندى. بىرقاتار اۋىلداردا مەديتسينالىق پۋنكتتەر پايدالانۋعا بەرىلىپ, اۋداندىق اۋرۋحانانىڭ جاڭا بلوگىن سالۋ جۇمىستارى باستالدى. سونىمەن قاتار 2024–2025 جىلدارى اۋدانعا 6 سانيتارلىق اۆتوكولىك اكەلىنىپ, جىل سوڭىنا دەيىن اۋرۋحانا 13 جاڭا قۇرال-جابدىقپەن قامتاماسىز ەتىلەدى.
ءبىلىم سالاسىندا دا وڭ وزگەرىستەر بار: جاركەنتتە 1200 ورىندىق, تالدىدا 300 ورىندىق جاڭا مەكتەپتەر اشىلدى. سۇپتاي اۋىلىندا 120 ورىندىق مەكتەپتىڭ قۇرىلىسى ءجۇرىپ جاتىر, اۋليەاعاش مەكتەبى تولىق جوندەۋدەن ءوتتى. مادەنيەت جانە سپورت نىساندارى دا جاڭارتىلىپ, تۇرپاندا مادەنيەت ءۇيى جوندەلىپ, ءۇشارال مەن كوكتالدا سپورت كەشەندەرى قولدانىسقا بەرىلدى.
الەۋمەتتىك ينفراقۇرىلىمنىڭ جاڭارۋى اۋدان تۇرعىندارىنىڭ ساپالى مەديتسينالىق كومەك الۋىنا, جايلى ءبىلىم الۋىنا جانە بوس ۋاقىتىن ءتيىمدى وتكىزۋىنە جاعداي جاساپ, ءومىر ءسۇرۋ ساپاسىن ايتارلىقتاي جاقسارتۋدا.