پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين ازىق-ت ۇلىك باعاسىنىڭ قىمباتتاۋىنا قاتىستى پىكىر ءبىلدىردى. ونىڭ ايتۋىنشا, جاپپاي ءوسۋ بولمايدى, دەپ حابارلايدى Egemen.kz.
«وتكەن جىلى جاڭا جىلدىق كەزەڭ تىنىش ءوتتى. بيىل دا سونداي بولادى دەپ ۇمىتتەنەمىز. فەرمەرلەردىڭ تابىس تابۋىنا مۇمكىندىك بەرۋ ءۇشىن ءبىز ازىق-ت ۇلىك باعاسىن تەجەگەن جوقپىز. قاتاڭ رەتتەۋ ادىستەرى قولدانىلمادى», دەدى سەرىك جۇمانعارين.
سونىمەن قاتار ۆيتسە-پرەمەر كەيبىر ونىمدەردىڭ باعاسىنىڭ ءوسۋى ءالى دە تۇسىنىكسىز ەكەنىن اتاپ ءوتتى.
«كەيبىر ونىمدەردىڭ باعاسى ۇنەمى ءوسىپ تۇرادى. بۇل تاڭقالارلىق. مۇندا سپەكۋلياتيۆتى فاكتورلار بولۋى مۇمكىن», دەدى جۇمانعارين.
ۆيتسە-پرەمەر اسىرەسە, قىزاناق پەن قيار باعاسىنا توقتالىپ, ەلدە ولار جەتكىلىكتى كولەمدە وندىرىلمەيتىنىن, ال جىلىجايدا ءوسىرۋدىڭ ءوزى قىمبات ەكەنىن ايتتى.
«جالپى, ازىق-ت ۇلىك سەبەتىندە تاۋاردىڭ 160 ءتۇرى قامتىلعان. قازىر نەگىزىنەن الەۋمەتتىك ماڭىزى بار ازىق-ت ۇلىك تاۋارلارىنىڭ تىزىمىنە كىرمەيتىن ونىمدەردىڭ باعاسى ءوسىپ جاتىر. الەۋمەتتىك ماڭىزى بار ازىق-ت ۇلىك تاۋارلارىنىڭ باعاسى ءوسىپ جاتقان جوق. وسى ايدىڭ ەكى اپتاسىندا 0,1 پايىز عانا ءوستى. الەۋمەتتىك ماڭىزى بار ازىق-ت ۇلىك تاۋارلارىنىڭ باعاسى وسپەيدى دەپ ويلايمىن. ويتكەنى ونى باقىلاپ وتىرمىز. وندا ساۋدا ۇستەمەسىن باقىلاۋعا مۇمكىندىك, بارىنشا قاتاڭ شەكتەۋ بار», دەدى ول.