سولتۇستىك قازاقستان وبلىسىنىڭ ديقاندارى بيىل دا رەكوردتىق استىق جيناعالى وتىر. كەيبىر شارۋاشىلىقتار گەكتارىنان 60 تسەنتنەردەن ءونىم الىپ جاتىر, دەپ حابارلايدى Egemen.kz.
بۇل تۋرالى وڭىرگە اۋىل شارۋاشىلىعى ءمينيسترى ايداربەك ساپاروۆ كەلىپ, اگراريلەرمەن وتكىزگەن كەڭەستە ايتىلدى. وراق ناۋقانى تولىعىمەن اياقتالۋعا ساناۋلى كۇندەر قالدى.
سونىمەن بىرگە, كەڭەستە وتكەن 8 ايدىڭ قورىتىندىسىنا قاراعاندا سولتۇستىك قازاقستاندا اۋىل شارۋاشىلىعى ونىمدەرى 255,7 ملرد تەڭگەگە جەتىپ, جالپى ءونىم يندەكسى 109,3 پايىزعا ورىندالعانى بەلگىلى بولدى.
– سوڭعى جىلدارى ەگىستىك الاڭىن ءارتاراپتاندىرۋ ۇلعايىپ كەلەدى. بيىل مايلى داقىلدار 1 ميلليون گەكتارعا وتىرعىزىلدى, وراق قورىتىندىسىندا ودان 1 ملن توننا ءونىم الاتىن شىعارمىز دەگەن ءۇمىتىمىز بار, – دەدى وبلىس اكىمى عاۋەز نۇرمۇحامبەتوۆ.
سولتۇستىك قازاقستان وبلىسى