قازاقستان جاستار قۇراماسى (U21) مولدوۆاعا قارسى ەۋرو-2027 ىرىكتەۋ ويىنىندا تەڭ ءتۇستى, دەپ حابارلايدى Egemen.kz.
Vesti.kz جازعانداي, D توبىنىڭ كەزدەسۋى ەلورداداعى «استانا ارەنا» ستاديونىندا ءوتىپ, 1:1 ەسەبىمەن اياقتالدى.
قازاقستان قۇراماسى العاشقى ساتتە-اق گول سوعىپ, ەسەپ اشتى: ويىننىڭ 6-مينۋتىندا «قايرات» شابۋىلشىسى رامازان باعدات كوزگە ءتۇستى.
جەرلەستەرىمىز ماتچتىڭ باسىم بولىگىندە الدا كەلە جاتقانىمەن, ويىن سوڭىندا كاپيتان سۇلتان اسقاروۆ جاساعان ەرەجە بۇزۋشىلىقتان كەيىن قاقپاعا پەنالتي بەلگىلەندى.
90-مينۋتتا مولدوۆا ويىنشىسى نيكولاە روتارۋ پەنالتيدى ءدال ورىنداپ, ەسەپتى تەڭەستىردى.
وسىنىڭ ناتيجەسىندە قازاقستان قۇراماسىنىڭ قورجىنىندا ىرىكتەۋ تۋرنيرىندەگى جالعىز جەڭىس بۇرىنعىسىنشا تەك اندورراعا (1:0) قارسى ماتچتا قالدى. بۇعان دەيىن اندرەي فەراپونتوۆ شاكىرتتەرى انگليادان (0:2), اندوررادان سىرت الاڭدا (0:1) جانە سلوۆاكيادان (1:2) جەڭىلگەن ەدى.
قازاقستان كەلەسى ويىنىن 2026 جىلدىڭ ناۋرىزىندا ءوز الاڭىندا توپتىڭ كوشباسشىسى - سلوۆاكياعا قارسى وتكىزەدى.
D توبىنىڭ تۋرنيرلىك كەستەسى:
سلوۆاكيا — 13 ۇپاي (5 ماتچ)
انگليا — 12 (4)
يرلانديا — 7 (4)
مولدوۆا — 4 (6)
قازاقستان — 4 (5)
اندوررا — 3 (6)