جاڭا سالىق كودەكسى (2026 جىلى كۇشىنە ەنەدى) شەڭبەرىندە ەلىمىزدە جەڭىلدەتىلگەن جانە بولشەك سالىق رەجيمدەرى 4% مولشەرلەمەمەن بىرىكتىرىلەدى. سول ورايدا الماتى قالاسى اكىمدىگى كاسىپكەرلەرگە قوسىمشا قولداۋ كورسەتىپ, بيزنەس جۇرگىزۋگە قولايلى جاعداي جاساۋ باستاماسىن كوتەرىپ وتىر, دەپ جازادى Egemen.kz.
قالا اكىمى دارحان ساتىبالدىنىڭ توراعالىعىمەن وتكەن كەڭەس قورىتىندىسى بويىنشا, 2026 جىلدان باستاپ جاڭا جەڭىلدەتىلگەن سالىق رەجيمىن قولداناتىن بارلىق كاسىپكەرلەر ءۇشىن ءتيىمدى مولشەرلەمەنى 3% دەڭگەيىندە بەلگىلەۋ تۋرالى ماسەلەنى ءماسليحاتتىڭ قاراۋىنا شىعارۋ جونىندە شەشىم قابىلداندى.
اكىمدىكتىڭ مالىمەتىنشە, اتالعان شارا شاعىن جانە ورتا بيزنەستىڭ سالىقتىق تۇراقتىلىعىن ساقتاۋعا, قوسىمشا ينفلياتسيالىق تاۋەكەلدەردىڭ الدىن الۋعا جانە B2C-سەگمەنتتەگى نىسانداردى – ءۇي ماڭىنداعى دۇكەندەردى, شاشتارازداردى, شەبەرحانالاردى جانە تۇرمىستىق قىزمەت كورسەتۋ ورىندارىن قولداۋعا مۇمكىندىك بەرەدى.