الماتى وبلىسىنىڭ تالعار اۋداندىق سوتى قىلمىستىق كودەكستىڭ بىرنەشە بابى بويىنشا ايىپتالعان حاسان قاسىمباەۆتى 12 جىلعا سوتتادى, دەپ حابارلايدى Egemen.kz.
سوتتىڭ مالىمەتىنە سۇيەنسەك, حاسان قاسىمباەۆ ادام ۇرلاۋ, قاساقانا اۋىر زيان كەلتىرۋ, قورقىتىپ اقشا بوسپالاۋ باپتارى بويىنشا سوتتالىپ وتىر.
حاسان قاسىمباەۆ پەن ونىڭ ءتورت سىبايلاسىنان ەكى ادام زارداپ شەككەن. ونىڭ ءبىرى - كاسىپكەر ءارىپجان تاجيەۆ بولسا, ەكىنشىسى فيتنەس-ترەنەر – ارمان ءالىموۆ.
سوت «حۋتورلىق» دەگەن لاقاپ اتقا يە حاسان قاسىمباەۆ پەن ونىڭ بەس سىبايلاسىنىڭ كىنالارى تولىق دالەلدەندى دەپ تاۋىپ, ولاردى ۇزاق جىلعا سوتتادى.
سونىڭ ىشىندە,
قىلمىستىق توپتىڭ ۇيىمداستىرۋشىسى بولىپ تانىلعان حاسان قاسىمبەكوۆ 12 جىلعا; بۇرىن ادام ولتىرگەنى ءۇشىن سوتتالعان نۇرمۇحامەت سۇلتانوۆتى 22 جىلعا; ماديار كالىمجانوۆتى 9 جىلعا; سايلاۋ اقتانوۆتى 8,5 جىلعا; دانيار اسقاروۆتى 8 جىلعا سوتتادى.ايتا كەتەيىك, حاسان قاسىمباەۆتىڭ اتى تالعارداعى ءجاسوسپىرىم شەرزات پولاتتىڭ ولىمىنەن كەيىن بەلگىلى بولعان ەدى.