قازاقستاندا گەولوگيالىق اقپاراتتى تسيفرلاندىرۋ جۇمىستارى جۇرگىزىلۋدە. قازىرگە دەيىن 3,5 ميلليونعا جۋىق باستاپقى دەرەكتەر تسيفرلانعان, ال جۇمىستى 2026 جىلدىڭ سوڭىنا دەيىن تولىق اياقتاۋ جوسپارلانعان, دەپ حابارلايدى Egemen.kz.
پرەمەر-مينيستر ەلىمىزدە 22 ءتۇرلى مەملەكەتتىك قىزمەت كورسەتەتىن جەر قويناۋىن پايدالانۋدىڭ بىرىڭعاي پلاتفورماسى قۇرىلعانىن اتاپ ءوتتى. بۇل پلاتفورما ليتسەنزيالاردى اۆتوماتتى تۇردە بەرۋگە جانە مىندەتتەمەلەردىڭ ورىندالۋىن قاداعالاۋعا مۇمكىندىك بەرەدى.
قازىر 3,5 ميلليونعا جۋىق باستاپقى گەولوگيالىق اقپارات تسيفرلانعان. بۇرىن بۇل دەرەكتەر ءداستۇرلى قاعاز نۇسقاسىندا, ماگنيتتىك تاسپالاردا جانە فوتوسۋرەت تۇرىندە ساقتالعان.
«ونەركاسىپ مينيسترلىگىنە قارجى, جاساندى ينتەللەكت مينيسترلىكتەرىمەن جانە ۇلتتىق گەولوگيالىق قىزمەتپەن بىرلەسىپ, كەلەسى جىلدىڭ سوڭىنا دەيىن تاريحي دەرەكتەردى تسيفرلاندىرۋ جۇمىستارىن اياقتاۋدى تاپسىرامىن. بۇل, جالپى العاندا قازاقستان بويىنشا تاريحي جانە جاڭا گەولوگيالىق اقپاراتقا قول جەتكىزۋدى وڭايلاتىپ, ينۆەستيتسيالار تارتۋ, كەن ورىندارىن بارلاۋ مەن يگەرۋ جونىندەگى جوبالاردى جۇزەگە اسىرۋدى جەڭىلدەتەدى», دەدى ولجاس بەكتەنوۆ.