• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
سپورت 10 قاراشا, 2025

اUYL SPORT 2025: ۇلتتىق دودا مارەسىنە جەتتى

4270 رەت
كورسەتىلدى

شالعايداعى اۋىل مەكتەبىنەن باستالعان ارمان بيىل الاتاۋدىڭ ەتەگىندە ۇلكەن ارەناعا ۇلاستى. ءبىر جىل بويى ەلدىڭ تۇكپىر-تۇكپىرىندە وتكەن ىرىكتەۋ كەزەڭدەرىنەن سۋىرىلىپ شىعىپ, اۋىل نامىسىن قورعاۋعا كەلگەن مىڭداعان جاس سپورتشىنىڭ جەڭىس جولى ءوز مارەسىنە جەتتى.

بۇل رەسپۋبليكالىق تۋرنير – اۋىل بالالارى ءۇشىن مەرەكە عانا ەمەس, جىلدار بويعى ەڭبەكتىڭ, تاباندىلىقتىڭ, ارمانعا ادالدىقتىڭ جارقىن ناتيجەسى.

پرەزيدەنت قاسىم-جومارت توقاەۆ بيىلعى جولداۋىندا بۇقارالىق سپورتتى دامىتۋعا ەرەكشە باسىمدىق بەردى. مەملەكەت باسشىسىنىڭ باستاماسىن  ۇنەمى قولدايتىن تيمۋر ق ۇلىباەۆتىڭ Halyk قورى  «AUYL SPORT» ءتۋرنيرىن قاتارىنان ەكىنشى جىل وتكىزىپ, مىقتىلاردى انىقتادى.

 

10 مىڭ بالادان مىڭ جۇيرىك انىقتالدى

جوبا جىل باسىنان بەرى 17 وبلىستى, 300-دەن اسا اۋىلدى قامتىدى. 10 مىڭنان استام ءجاسوسپىرىم باق سىناعان دودادا 1700 ەڭ ۇزدىك سپورتشى فينالعا جولداما الىپ, 3–6 قاراشادا الماتىدا باس قوستى. ولارعا ەلدىڭ ەڭ ۇزدىك تورەشىلەرى باعا بەردى.

 

حالىقارالىق دەڭگەيدەگى فينال

سپورتشىلارعا كاسىبي دەڭگەيدە جاعداي جاسالىپ, ولار ءوزىن حالىقارالىق ارەنادا جۇرگەندەي سەزىندى. الاڭدار زاماناۋي ستاندارتقا ساي جابدىقتالدى, قاتىسۋشىلار تەگىن كيىممەن, جاتىن ورىنمەن, تاسىمالمەن قامتاماسىز ەتىلدى.

 «AUYL SPORT – اۋىل بالالارىنىڭ بولاشاعىنا سالىنعان ينۆەستيتسيا. فينالدا تەك چەمپيوندار ەمەس, بۇكىل ەلدىڭ ءۇمىتى انىقتالدى. بىزگە ءار سپورتشىنىڭ جاعدايىن جاساۋ باستى باسىمدىقتاردىڭ ءبىرى بولدى, سوندىقتان قور بۇعان بارىن سالدى», – دەدى Halyk قورىنىڭ اتقارۋشى ديرەكتورى عالىمبەك جاقسىلىق ۇلى.

ايتا كەتەيىك, تۋرنيرگە بيىل تۇڭعىش رەت ۇستەل تەننيسى ەنگىزىلىپ, اۋىل مەكتەپتەرىندە كاسىبي جاتتىعۋ جۇيەسى ىسكە قوسىلدى. بۇل ءوز ناتيجەسىن بەرىپ, فينالدا جاڭا چەمپيوندار انىقتالدى.

 

ارمانعا جول اشقان دودا

جەڭىمپازداردىڭ ءبىرى دودادان قانداي اسەر العانىن ءبولىستى.

 «مەن بۇل جارىسقا اۋىلدىڭ كىشى زالىنان دايىندالدىم. فينالعا كەلگەندە ءوزىمدى ۇلكەن ارەنادا جۇرگەن چەمپيونداي سەزىندىم. AUYL SPORT مەنىڭ ءومىرىمدى وزگەرتتى», – دەدى تۋرنير جەڭىمپازدارىنىڭ ءبىرى.

جارىس الاڭىندا تەك سپورتشىلار ەمەس, ولاردىڭ اتا-انالارى دا تولقىدى. سولاردىڭ ءبىرى – مارات ەسىمدى قاتىسۋشىنىڭ اكەسى.

«بالامدى ۇلكەن ارەنادا كورۋ باقىتى بۇيىردى. قۋانىشىمدا شەك جوق. مۇنداي مۇمكىندىك سىيلاعان قورعا العىسىم شەكسىز. بۇگىن ءبىزدىڭ وتباسىعا عانا ەمەس, بۇكىل اۋىلعا مەرەيتوي. ەندى حالىقارالىق جارىسقا بىلەك سىبانا كىرىسەمىز», - دەدى ماراتتىڭ اكەسى ءارى جاتتىقتىرۋشىسى.

جەڭىمپازدار ءوز ەڭبەگىمەن اقشالاي ماراپاتقا يە بولدى. ەندىگى باعىت – حالىقارالىق ءدۇبىرلى دودالار. اۋىلدىڭ ۇل-قىزدارى ەندى الەم ساحناسىنا بەت الدى.

ايتا كەتەيىك, بۇعان دەيىن جوباعا قاتىسقان سپورتشى ماحمەت جاسۇلان جارىستاردىڭ بىرىندە اجەسىنە وليمپيادا چەمپيونى بولسا, مەككەگە اپاراتىنىن ايتىپ, ۋادە بەرگەن ەدى. ەل سپورتىنا قولداۋ كورسەتىپ كەلە جاتقان مەتسەنات تيمۋر ق ۇلىباەۆ بالانىڭ ارمانىن ەستىپ, ونىڭ اجەسىنە مەككەگە قاجىلىق جولداماسىن سىيلادى. بۇل - اۋىل تاربيەسىنىڭ كۇشى, ادال ءسوزدىڭ وتەۋى, جاقسىلىقتىڭ جالعاسى.

«بۇگىن ارمانىم ورىندالدى. قۋانىشىمدا شەك جوق. مەن ءۇشىن ەڭ ۇلكەن قۋانىش – اجەمنىڭ باقىتتى ءجۇزىن كورۋ. وسىنداي مۇمكىندىك سىيلاعان اعالارعا مىڭ العىس.ەندىگى ماقساتىم – دودالاردا جەڭىسكە جەتۋ», - دەيدى ماحمەت جاسۇلان.

 

جەتىستىككە باستار جول

«AUYL SPORT» – اۋىل جاستارىنا سپورت ارقىلى ۇلكەن ارمانعا جول اشۋعا باعىتتالعان تيمۋر ق ۇلىباەۆ باستاعان Halyk قورىنىڭ ماڭىزدى جوباسى. 2024 جىلى باستاۋ العان باعدارلاما العاش كۇننەن-اق شالعايداعى مىڭداعان جاسوسپىرىمگە ءۇمىت سىيلاپ, سپورتقا دەگەن تالپىنىسىن ارتتىردى. بىلتىر ءبىر جىل ىشىندە 200 اۋىلدان 12 مىڭنان استام بالا قاتىسىپ, دەبيۋت ماۋسىم ەلدىڭ ەڭ اۋقىمدى اۋىل سپورت مەرەكەسىنە اينالدى. الماتىدا وتكەن فينالدا 1300 تالانتتى سپورتشى جينالىپ, تاريحي جارىستىڭ ءبىر بولىگى بولدى.

باستاما ناتيجەسى دە ۇزاق كۇتتىرمەدى. 2025 جىلعى كوكتەمدە «AUYL SPORT» جەڭىمپازدارى قازاقستان قۇراماسىنا قوسىلىپ, سەربيادا وتكەن ISF U-15 گيمنازياداسىنا جول تارتتى. الەمدىك دەڭگەيدەگى بەدەلدى بايراقتى باسەكەدە قازاقستاننان بارعان 22 جاس سپورتشىنىڭ 12-ءسى – اۋىل بالالارى. ەل قۇراماسى جارىستى 11 مەدالمەن اياقتاپ, بيىك ناتيجەگە قول جەتكىزدى. ونىڭ ءتورت مەدالىن اۋىل سپورتشىلارى جەڭىپ الىپ, اۋىلدا تۋىپ-وسكەن تالانتتاردىڭ مۇمكىندىگى شەكسىز ەكەنىن دالەلدەدى.

سوڭعى جاڭالىقتار