دۋشانبەدە (تاجىكستان) وسى ايدىڭ 5-9 كۇندەرى ارالىعىندا وتكەن KhIMIO2025 حالىقارالىق ماتەماتيكا جانە ينفورماتيكا وليمپياداسىندا قازاقستان وقۋشىلارى قورجىنعا 8 مەدال سالدى. اتالعان ءبىلىم بايگەسىنە دارىندى وقۋشىلار 10 مەملەكەتتەن قاتىسقان, دەپ جازادى Egemen.kz.
ەل قۇراماسىنىڭ اتالعان وليمپياداعا قاتىسۋى وقۋ-اعارتۋ مينيسترلىگىنىڭ تىكەلەي قولداۋىمەن, سونداي-اق «دارىن» رەسپۋبليكالىق عىلىمي-پراكتيكالىق ورتالىعىنىڭ ۇيىمداستىرۋىمەن جۇزەگە استى.
4-15 جاس (7-8 سىنىپ) جانە 16-18 جاس (9-11 سىنىپ) ارالىعىنداعى وقۋشىلاردان قۇرالعان قازاقستان قۇراماسى 100% كورسەتكىشكە قول جەتكىزدى.
جوعارى جاس ساناتى (9-11 سىنىپ):
مانسۋر ماماداحۋنوۆ – قىزىلوردا وبلىستىق ء«بىلىم-يننوۆاتسيا» ليتسەي-ينتەرناتى (ينفورماتيكا);
الديار سەيتباي – استانا قالاسىنىڭ دارىندى ەر بالالارعا ارنالعان ء«بىلىم-يننوۆاتسيا» ليتسەي-ينتەرناتى (ينفورماتيكا);
ءالي ەركەبۇلان ۇلى – فمب نازارباەۆ زياتكەرلىك مەكتەبى, الماتى (ماتەماتيكا);
بەردىبەك ورىنباسار – اتىراۋ وبلىستىق №1 ء«بىلىم-يننوۆاتسيا» ليتسەي-ينتەرناتى (ماتەماتيكا).
كىشى جاس ساناتى (7-8 سىنىپ):
احمەت بەردىمۇرات – اقتوبە وبلىستىق ء«بىلىم-يننوۆاتسيا» مامانداندىرىلعان ليتسەي-ينتەرناتى (ماتەماتيكا);
تەمىر ورازبەك – رەسپۋبليكالىق فيزيكا-ماتەماتيكا مەكتەبى, الماتى (ماتەماتيكا);
ازامات راحيمبەرديەۆ – اتىراۋ وبلىستىق №1 ء«بىلىم-يننوۆاتسيا» ليتسەي-ينتەرناتى (ينفورماتيكا);
يسلام ەرمۋحانوۆ – اقتوبە وبلىستىق ء«بىلىم-يننوۆاتسيا» ليتسەي-ينتەرناتى (ينفورماتيكا).