ورتالىق ازيا مەن اقش مەملەكەتتەرى باسشىلارىنىڭ C5+1 فورماتىنداعى كەزدەسۋى شەڭبەرىندە قازاقستاننىڭ عىلىم جانە جوعارى ءبىلىم مينيسترلىگى, Q Group جانە Arizona State University جاڭا حالىقارالىق University of Innovation and Technology powered by Arizona State University (InnoTech) ۋنيۆەرسيتەتىن الماتى قالاسىندا اشۋ تۋرالى رەسمي كەلىسىمگە قول قويدى, دەپ حابارلايدى Egemen.kz.
عىلىم جانە جوعارى ءبىلىم مينيسترلىگىنىڭ مالىمەتىنشە, InnoTech ۋنيۆەرسيتەتى ينجەنەريا, IT, كاسىپكەرلىك, جاساندى ينتەللەكت جانە تۇراقتى دامۋ سالالارىندا اكادەميالىق ۇتقىرلىقتى, عىلىمي ىنتىماقتاستىقتى جانە تاجىريبەگە باعىتتالعان وقىتۋدى بىرىكتىرەتىن الەمدىك دەڭگەيدەگى ءبىلىم ورداسىنا اينالماق.
جاڭا ۋنيۆەرسيتەتتىڭ باستى ەرەكشەلىگى – وتاندىق ۇلگىدەگى جانە اقش-تا مويىندالعان Arizona State University ديپلومىن, ەكى ديپلوم الۋ مۇمكىندىگى. بۇل تۇلەكتەردىڭ حالىقارالىق ەڭبەك نارىعىنداعى باسەكەگە قابىلەتتىلىگىن ارتتىرادى.
«Arizona State University جانە قاازقستاننىڭ عىلىم جانە جوعارى ءبىلىم مينيسترلىگىمەن ىنتىماقتاستىق – ەلىمىزدەگى ءبىلىم بەرۋ جۇيەسىنىڭ دامۋىنا جاڭا سەرپىن بەرەدى. InnoTech زاماناۋي وقۋ ۇدەرىسىندە وزىق تەحنولوگيالاردى, عىلىم مەن كاسىپكەرلىكتى بىرىكتىرەتىن سيمۆولعا اينالادى», دەدى Q Group باسشىسى.
باكالاۆريات جانە ماگيستراتۋرانىڭ العاشقى ءبىلىم بەرۋ باعدارلامالارى 2026 جىلى ىسكە قوسىلادى. قازىردىڭ وزىندە الماتى قالاسىندا زاماناۋي قالالىق كامپۋس دايىنداۋ جۇمىستارى جۇرگىزىلىپ جاتىر. ول وقۋ, زەرتتەۋ جانە ستارتاپ-جوبالارعا ارنالعان يننوۆاتسيالىق كەڭىستىككە اينالماق.