وسى ماقساتتا قازاقستان اقش-تان ەلەكترلى eVTOL ۇشاقتارىن ساتىپ الادى. جوسپاردى جۇزەگە اسىرۋ ءۇشىن جاساندى ينتەللەكت جانە تسيفرلىق دامۋ مينيسترلىگى, امەريكالىق Joby Aero, Inc. كومپانياسى, Alatau Advance Air Group Ltd. جانە كاسىپكەر ۆياچەسلاۆ كيم ءوزارا تۇسىنىستىك جونىندەگى مەموراندۋمعا قول قويدى, دەپ جازادى Egemen.kz.
اۋە تاكسيلەرىن ساتىپ الۋعا 300 ملن اقش دوللارى جۇمسالادى. بۇل تىگىنەن ۇشىپ-قوناتىن يننوۆاتسيالىق ۇشۋ اپپاراتتارى قازاقستانداعى العاشقى قالالىق اۋە ءموبيلدى (Urban Air Mobility) جوباسىنىڭ نەگىزى بولماق. جوبا اياسىندا سەرتيفيكاتتاۋ جانە دەمونستراتسيالىق ۇشۋلارعا ارنالعان سىناق الاڭىن قۇرۋ, سونداي-اق الاتاۋ مەن الماتى قالالارىنىڭ كولىك جەلىسىنە اۋە تاكسيدى ينتەگراتسيالاۋ جوسپارلانىپ وتىر.
«قازاقستان يننوۆاتسيالىق كولىكتىڭ بولاشاعىنا قادام باسىپ كەلەدى. ەلەكترلى eVTOL ۇشاقتارىن ساتىپ الۋ – سمارت قالالار مەن زاماناۋي تەحنولوگيالاردى ەنگىزۋ باعىتىنداعى ماڭىزدى كەزەڭ. بۇل شارا الاتاۋ قالاسىن بولاشاقتىڭ جوعارى تەحنولوگيالى, بىرەگەي قالا رەتىندە دامىتۋعا سەرپىن بەرەدى», دەدى پرەمەر-ءمينيستردىڭ ورىنباسارى – جاساندى ينتەللەكت جانە تسيفرلىق دامۋ ءمينيسترى جاسلان ماديەۆ.
اقپارات ءۇشىن: Joby Aero, Inc. (اقش) – eVTOL اۆياتسيا سالاسىنداعى الەمدىك كوشباسشى, سەرتيفيكاتتالعان ەلەكترلى اۋە تاكسيلەرىنىڭ ازىرلەۋشىسى.ۆياچەسلاۆ كيم – Kaspi.kz ديرەكتورلار كەڭەسىنىڭ توراعاسى, «الاتاۋ قالاسى» جوباسىنىڭ ينۆەستورى.Alatau Advance Air Group Ltd. – قازاقستانداعى اۋە موبيلدىلىگى تەحنولوگيالارىنىڭ وپەراتورى جانە ينتەگراتورى.