الماتى قالالىق كارديولوگيالىق ورتالىعى رەسمي تۇردە جۇرەك ترانسپلانتاتسياسىن جۇرگىزۋگە ۋاكىلەتتى مەديتسينالىق ۇيىمدار تىزىمىنە ەنگىزىلدى. بۇل تۋرالى الماتى قالاسى قوعامدىق دەنساۋلىق ساقتاۋ باسقارماسىنىڭ وكىلدەرى حابارلادى.
شەشىمدى دەنساۋلىق ساقتاۋ مينيسترلىگىنىڭ ترانسپلانتاتسيا جانە جوعارى تەحنولوگيالىق مەديتسينالىق قىزمەتتەردى ۇيلەستىرۋ جونىندەگى رەسپۋبليكالىق ورتالىعى مەن «University Medical Center» (UMC) كورپوراتيۆتىك قورى بىرلەسىپ قابىلداعان.
وسىلايشا, الماتى قالالىق كارديولوگيالىق ورتالىعى UMC ورتالىعىنان كەيىن قازاقستاندا جۇرەك ترانسپلانتاتسياسىن ءوز بەتىنشە جۇرگىزۋ قۇقىعى بەرىلگەن ەكىنشى مەديتسينالىق ۇيىم اتاندى.
ورتالىقتا مۇنداي جوعارى كۇردەلى وتا جاساۋ ءۇشىن بارلىق جاعداي قاراستىرىلعان. جوعارى بىلىكتى كارديوحيرۋرگ, انەستەزيولوگ, رەانيماتولوگ ماماندار زاماناۋي دياگنوستيكا مەن ەمدەۋ ادىستەرىن جۇرگىزىپ وتىر. حالىقارالىق ستاندارتتارعا ساي جوعارى تەحنولوگيالىق جابدىق ورناتىلعان.