روزا باعلانوۆا اتىنداعى «قازاقكونتسەرت» مەملەكەتتىك اكادەميالىق كونتسەرتتىك ۇيىمى يوگانن شتراۋس II 200 جىلدىعىنا وراي مۋزىكالىق كەش وتكىزەدى, دەپ جازادى Egemen.kz.
ۇلى ماەسترونىڭ مەرەيتويىنا وراي قازاق مەملەكەتتىك سيمفونيالىق وركەسترى قازاقستانداعى اۆستريا ەلشىلىگىنىڭ قولداۋىمەن ونىڭ ەڭ تانىمال شىعارمالارى «كوكتەم داۋىستارى», «يمپەراتور ءۆالسى», «ادەمى كوگىلدىر دۋنايدا», «رادەتسكي مارشى», سونداي-اق, ۆەنا مۋزىكاسى رەپەرتۋارىنان كونتسەرتتىك باعدارلاما ۇسىنادى.
باعدارلاماداعى ەرەكشە مانگە يە شىعارمالاردىڭ ءبىرى – لاتيف ءحاميديدىڭ «قازاق ءۆالسى». ەرنەست ءحيوتتسلدىڭ ديريجەرلىگىمەن وتەتىن كونتسەرتتە كورەرمەن شتراۋستىڭ كوپ ورىندالا بەرمەيتىن پولونەز, پولكا جانە مارشتارىنىڭ ەرەكشە اۋەنىن تىڭداي الادى.
ەرنەست حيوتتسل الەمنىڭ ەڭ بەدەلدى كونتسەرت زالدارىندا ونەر كورسەتكەن. ونىڭ ونەرى Musikverein (ۆەنا), Philharmonie (بەرلين), Carnegie Hall (نيۋ-يورك), Teatro alla Scala (ميلان) سياقتى بەدەلدى ساحنالاردا جوعارى باعالانعان. ول ەۋروپا مەن ازيانىڭ جەتەكشى وركەسترلەرىمەن بىرلەسە جۇمىس ىستەپ, الەمدىك كلاسسيكالىق مۋزىكا اياسىندا ءار حالىقتىڭ ۇلتتىق ناقىشىن نازىك سەزىنىپ, شەبەر جەتكىزە بىلۋىمەن ەرەكشەلەنەدى.
مۋزىكالىق كەش قازاقكونتسەرتتە (ماڭگىلىك ەل, 10/1) 08 قاراشا, ساعات 18:00-دە وتەدى.