ەلوردادا جەڭىل اۆتوكولىك تۇرعىن ءۇي كەشەنىنىڭ قابىرعاسىنا سوعىلدى. وقيعانىڭ بەينەجازباسى الەۋمەتتىك جەلىلەردە تارادى. كۋاگەرلەردىڭ ايتۋىنشا, جول اپاتى №111 مەكتەپ ماڭىندا بولعان, دەپ حابارلايدى Egemen.kz.
استانا قالالىق پوليتسيا دەپارتامەنتى جول-كولىك وقيعاسىنىڭ بولعانىن راستادى. رەسمي مالىمەتكە سايكەس, Nissan ماركالى كولىكتىڭ جۇرگىزۋشىسى اۋا رايىنىڭ قولايسىزدىعىنان كولىكتى باسقارا الماي قالعان.
اپات سالدارىنان كولىكتەگى جولاۋشى جاراقات الىپ, جەدەل جاردەممەن اۋرۋحاناعا جەتكىزىلدى. قازىر پوليتسيا وقيعانىڭ بارلىق ءمان-جايىن انىقتاپ, تەكسەرىس جۇرگىزىپ جاتىر.