ەلىمىزدە شاحماتتى دامىتۋدىڭ 2023-2027 جىلدارعا ارنالعان كەشەندى جوسپارى اياسىندا 1-4 سىنىپتارعا ارنالعان «شاحمات نەگىزدەرى» كۋرسى وتكىزىلىپ كەلەدى, دەپ جازادى Egemen.kz.
شاحماتتى دامىتۋ باعىتىندا ۆارياتيۆتىك ساعات باستاۋىش سىنىپ مۇعالىمدەرى اراسىندا وتكىزىلەدى. باعدارلامانى ءتيىمدى جۇزەگە اسىرۋ ءۇشىن مۇعالىمدەر اراسىندا شاحماتتى تانىمال ەتۋ ماڭىزدى. وسى ورايدا شاحمات فەدەراتسياسى باستاۋىش سىنىپ مۇعالىمدەرى اراسىندا «زياتكەر ۇستاز» ءتۋرنيرىن وتكىزەدى.
ءتۋرنيردىڭ جالپى جۇلدە قورى – 2 000 000 تەڭگە. ءتۋرنيردىڭ ايماقتىق ىرىكتەۋ كەزەڭى (Lichess پلاتفورماسىندا, ونلاين) 8 قاراشادا وتەدى. ال فينالدىق سايىس 12 جەلتوقساندا استانادا جالاۋىن جەلبىرەتپەك. تۋرنيرگە باستاۋىش سىنىپ وقۋشىلارىنا شاحماتتان ءبىلىم بەرەتىن مۇعالىمدەر عانا قاتىسا الادى. وتىنىمدەر 2025 جىلعى 6 قاراشا كۇنى ساعات 12:00-گە (استانا ۋاقىتىمەن) دەيىن قابىلدانادى.
بۇگىندە «شاحمات نەگىزدەرى» ءپانى 20 وڭىردە 1 500-دەن استام مەكتەپكە ەنگىزىلىپ, 60 مىڭنان استام وقۋشىنى قامتىدى. سونىمەن قاتار 2 500 پەداگوگ دايارلىق كۋرسىنان ءوتتى. اتالعان كورسەتكىش كەشەندى جوسپاردىڭ 2027 جىلعا ارنالعان مەجەسىن (1 400 مەكتەپ) اسىرا ورىندادى.
سونىمەن قاتار مامانداردى دايارلاۋ ماقساتىندا 7 پەداگوگيكالىق جوعارى وقۋ ورنىندا «شاحمات ءپانىنىڭ مۇعالىمى» اتتى minor قوسىمشا باعدارلاماسى ىسكە قوسىلىپ, وزگە 5 ۋنيۆەرسيتەتتىڭ 204 ستۋدەنتى 2025-2026 وقۋ جىلىندا وسى باعىتتا ءبىلىم الادى.