اقش پرەزيدەنتى دونالد ترامپ الىس قاشىقتىققا ۇشاتىن «توماگاۆك» قاناتتى زىمىراندارىن ۋكرايناعا جونەلتۋ جوسپاردا جوق ەكەنىن مالىمدەدى. بۇل تۋرالى DW اگەنتتىگى حابارلادى, دەپ جازادى Egemen.kz.
ترامپ بۇل تۋرالى 2 قاراشا, جەكسەنبى كۇنى Air Force One ۇشاعىندا جۋرناليستەردىڭ ۋكرايناعا اسكەري قولداۋ كورسەتۋ تۋرالى سۇراعىنا جاۋاپ بەرگەندە ايتتى.
«جوق, شىن مانىندە, جوق», دەدى اق ءۇي باسشىسى ءسوزىن شەگەلەپ.
بۇعان دەيىن ترامپ كيەۆ سۇراعان «توماگاۆك» زىمىراندارىن بەرۋگە ءالى دايىن ەمەس ەكەنىن ايتقان بولاتىن. ناتو-نىڭ باس حاتشىسى مارك ريۋتتەمەن كەزدەسۋ كەزىندە سويلەگەن سوزىندە ول ۋكراينالىقتارعا بۇل قارۋدى يگەرىپ الۋ ءۇشىن كەمىندە التى اي قاجەت بولاتىنىن اتاپ ءوتتى.