2025 جىلعى 31 قازاندا قر ءىىم كوشى-قون قىزمەتى كوميتەتىنىڭ توراعاسى اسلان اتالىقوۆ ورتالىق كوممۋنيكاتسيالار قىزمەتىندەگى بريفينگتە ءبىر مەكەنجاي بويىنشا جالعان تىركەۋ جاعدايلارى كوبەيگەنىن مالىمدەدى, دەپ حابارلايدى Egemen.kz.
بيىل ەلىمىزدە مىڭنان استام پاتەردە 70 مىڭعا جۋىق ادامنىڭ تىركەلگەنى انىقتالعان. كەيىن ولاردىڭ بارلىعىنىڭ تىركەۋى جويىلىپ, ازاماتتار اكىمشىلىك جاۋاپكەرشىلىككە تارتىلدى.
مىسالى, الماتى وبلىسىندا ءبىر ازاماتشا ءوز پاتەرىنە بىردەن 154 شەتەلدىكتى تىركەپ قويعان.
ءىىم وكىلى مۇنداي زاڭبۇزۋشىلىقتاردىڭ الدىن الۋ ءۇشىن زاڭناماعا تۇزەتۋلەر ەنگىزىلىپ جاتقانىن ايتتى. ەندى جالعان تىركەۋ جانە تىركەلگەن مەكەنجايدا تۇرماۋ فاكتىلەرى ءۇشىن قازاقستاندىقتارمەن قاتار شەتەل ازاماتتارىنا دا ايىپپۇل سالىنادى.
517-باپقا سايكەس, مۇنداي جاعدايدا 15 ايلىق ەسەپتىك كورسەتكىشكە دەيىن ايىپپۇل قاراستىرىلعان.