تاجىكستاننىڭ حاتلون وبلىسىندا ارحەولوگتار ەجەلگى قالا ورنىن انىقتادى. قازبا بارىسىندا قۇندى تاريحي جادىگەرلەر تابىلعان, دەپ حابارلايدى Egemen.kz.
تاجىكستان رەسپۋبليكاسىنىڭ تاريحي-مادەني مۇرالاردى قورعاۋ اگەنتتىگىنىڭ مالىمەتىنشە, تابىلعان انديچاروع ەلدى مەكەنى كونە حۋتتال ايماعىنىڭ ءبىر بولىگى بولىپ سانالادى. بۇل ورتاعاسىرلىق كنيازدىك ءبىزدىڭ زامانىمىزدىڭ VII-XVI عاسىرلارىندا قازىرگى تاجىكستان اۋماعىندا گۇلدەنگەن.
– ەلدى مەكەننىڭ ورتالىق الاڭى شامامەن 14 گەكتاردى قامتيدى. قازبا جۇمىستارى كەزىندە 100-دەن استام ارحەولوگيالىق ارتەفاكت تابىلدى. ولاردىڭ قاتارىندا كونە تيىندار, كەراميكا, اعاش ويۋ جانە ۇستالىق بۇيىمدار بار. سونداي-اق بۇل اۋماقتا ەگىنشىلىك ىزدەرى — قول جانە سۋ ديىرمەندەرى انىقتالدى, – دەدى اگەنتتىك ديرەكتورى شەرالي حودجازودا.