مەملەكەت باسشىسىنىڭ تاپسىرماسى بويىنشا بىرىڭعاي زاماناۋي مەكتەپ ينفراقۇرىلىمى فورماتىنا كوشۋ ءۇشىن 1300-گە جۋىق مەكتەپتە رەنوۆاتسيا باعدارلاماسى جۇزەگە اسىرىلىپ جاتىر, دەپ حابارلايدى Egemen.kz.
بيىل 245 مەكتەپتە كەشەندى رەنوۆاتسيا جۇرگىزىلىپ جاتىر, ونىڭ 134-ىندە جۇمىستار تولىق اياقتالعان. جاڭا وقۋ جىلى 130 مىڭنان استام وقۋشى جاڭارتىلعان, جايلى جانە قاۋىپسىز مەكتەپتەردە ءبىلىم الىپ جاتىر.
وقۋ-اعارتۋ مينيسترلىگىنىڭ مالىمەتىنشە رەنوۆاتسيا باعدارلاماسى شەڭبەرىندە مەكتەپ عيماراتتارىنا كۇردەلى جوندەۋ جۇرگىزۋ, پاندىك كابينەتتەرمەن جابدىقتاۋ, مەكتەپ جيھازىندارىن جاڭارتۋ, تالشىقتى-وپتيكالىق بايلانىس جەلىلەرىنە قوسۋ, سپورت زالدارىن, كىتاپحانالار مەن اسحانالاردى جاڭعىرتۋ, زاماناۋي قاۋىپسىزدىك جۇيەلەرىمەن جابدىقتاۋ, سونداي-اق مەكتەپ اۋماقتارىن جاڭا ستاندارتتارعا ساي اباتتاندىرۋ قاراستىرىلعان.
مەكتەپتەردى جاڭارتۋ جۇمىستارى الداعى جىلدارى دا جالعاسادى.