ەلىمىز الداعى ءتورت جىلدا ەنەرگەتيكا سالاسىن ايتارلىقتاي كۇشەيتىپ, 2029 جىلعا قاراي ەلەكتر ەنەرگياسى بويىنشا تولىق قامتاماسىز ەتىلگەن ءارى ەكسپورتقا الەۋەتى بار مەملەكەتكە اينالۋدى كوزدەپ وتىر. بۇل تۋرالى ۇكىمەت وتىرىسىندا ەنەرگەتيكا ءمينيسترى ەرلان اقكەنجەنوۆ مالىمدەدى, دەپ جازادى Egemen.kz.
ەنەرگەتيكا مينيسترلىگىنىڭ دەرەگىنشە, 2029 جىلعا دەيىن ەلدىڭ ەنەرگەتيكالىق جۇيەسىن نىعايتۋ ماقساتىندا جالپى قۋاتى 6,7 گۆت بولاتىن 68 جوبا ىسكە اسىرىلماق. مينيستر ەرلان اقكەنجەنوۆتىڭ ايتۋىنشا, وتكەن جىلى 770 مۆت-تان استام جاڭا ەنەرگيا قۋاتى قوسىلعان. ونىڭ 608 مۆت-ى ءداستۇرلى كوزدەردەن, ال 163 مۆت-ى جاڭارتىلاتىن ەنەرگيا كوزدەرىنەن (جەك) الىنعان.
2025 جىلعا بەلگىلەنگەن 621 مۆت-تىڭ 166-سى ءداستۇرلى ەنەرگيا كوزى, ال 9 نىسان – جەك. 2027 جىلى شامامەن 1 500 1 500 مۆت كولەمىندە جاڭا قۋات ىسكە قوسىلادى, ونىڭ 573 مۆت-تىق 13 جەك وبەكتىسى ىسكە قوسۋ قاراستىرىلىپ وتىر. ال 2028 جىلى 2 مىڭ مۆت-تان استام قۋاتتىلىقتى, ونىڭ ىشىندە 245 مۆت 3 جاڭارتىلاتىن ەنەرگەتيكا نىسانىن پايدالانۋعا بەرۋ كوزدەلگەن.
«وسىلايشا, 2029 جىلى ەكونوميكانىڭ ەلەكتر ەنەرگياسىنا دەگەن قاجەتتىلىگىن تولىق قامتيمىز دەپ كۇتىپ وتىرمىز, ەنەرگەتيكا جۇيەسىن پروفيتسيتكە شىعارۋ جوسپارلانۋدا, بۇل ەلىمىزدىڭ ەكسپورتتىق الەۋەتىن ارتتىرۋعا دا مۇمكىندىك بەرەدى», دەدى مينيستر ەرلان اقكەنجەنوۆ.