جامبىل وبلىسى مويىنقۇم اۋدانىنىڭ ايدارلى اۋىلىندا 90 ورىندىق جاڭا اۋىلدىق كلۋب اشىلدى, دەپ حابارلايدى Egemen.kz.
زاماناۋي مادەنيەت وشاعىنىڭ اشىلۋ سالتاناتىنا اۋدان اكىمى ەرمەك كارەنتاەۆ قاتىسىپ, اۋىل تۇرعىندارىن قۋانىشىمەن قۇتتىقتادى.
اۋىلدىق انالار كەڭەسىنىڭ ءتورايىمى كۇلجاحان رىسقۇلوۆا جاڭا كلۋبتىڭ اشىلۋى اۋىل جاستارىنىڭ ونەرىن دامىتۋعا زور مۇمكىندىك بەرەتىنىن اتاپ ءوتتى.
كلۋبتا «نارميان» ءانسامبلى, «اق اجەلەر» كلۋبى, ۆوكال جانە دومبىرا ۇيىرمەلەرى جۇمىس ىستەيدى.
قازىرگى تاڭدا مويىنقۇم اۋدانىندا 1 مادەنيەت ءۇيى مەن 17 اۋىلدىق كلۋب حالىققا قىزمەت كورسەتەدى.
جامبىل وبلىسى
مويىنقۇم اۋدانى