پرەزيدەنت قاسىم-جومارت توقاەۆ قازاقستاننىڭ قاۋىپسىز ءارى ادىلەتتى مەملەكەت بولۋى ءۇشىن «زاڭ مەن ءتارتىپ» تۇجىرىمداماسىنىڭ ماڭىزىن ەرەكشە اتاپ ءوتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«قازاقستان قاۋىپسىز ەل بولۋى كەرەك. سوندىقتان «زاڭ مەن ءتارتىپ» قوعامىمىزدىڭ باستى قاعيداتى سانالاتىن بولدى. وسى جۇمىستىڭ اياسىندا جەمقورلىققا قارسى كۇرەستى جالعاستىرىپ, كۇشەيتەمىز, ونسىز ادىلەتتى قازاقستان تۋرالى ايتۋدىڭ ءوزى قيسىنسىز», دەيدى پرەزيدەنت.
مەملەكەت باسشىسىنىڭ ايتۋىنشا, سوڭعى بەس جىلدا قىلمىس سانى جانە كوشەدەگى بۇزاقىلىق ەداۋىر ازايدى, قىلمىستىق احۋال قاتاڭ باقىلاۋعا الىندى. تۇرمىستىق زورلىق-زومبىلىق وقيعالارى ازايۋدا, ەلىمىزدىڭ بۇل ماسەلەگە قاتىستى تاجىريبەسىنە شەتەلدىك ساراپشىلاردىڭ ىقىلاسى كۇشەيدى.
«تۇپتەپ كەلگەندە, «زاڭ مەن ءتارتىپ» تۇجىرىمداماسى – ەلىمىزدىڭ جارقىن بولاشاعىن قۇرۋ ءۇشىن اسا ماڭىزدى تەتىك», دەدى ق.توقاەۆ.